هلا يامرحبا في ليل عيدٍ من حدا الاعياد=نحييكم على ريح الشحم والهيل والبنا
مناهلنا الشجاعه والكرم والفخر بالامجاد=على خير الفعول الطيبه هاذي مناهلنا

يدوم الك البقاء فاليله اللي نورها يزداد=ليا قدمتها ياخليف ياصلك الجزاء منا
ترانا مانذم اصحابنا هم مذخرت عباد=ليا كنتم كما كنتم وحنا اصحابكم حنا

لنا عز النفوس بحسن جيره ولتزام الزاد=وبادينا على خير المناهل يارث اولنا
تولنا الجزيره لين من ساد الجزيره ساد=وراء بارق مطير امخظبين السيف بالحنا

ليا دارت رحاء الحراب جينا والسيوف احداد=وحنا مانقابل غير رجالٍ يقابلنا
منول ياخليف احدٍ يصيد الصيد واحد ايصاد=لكن اليوم هونتم عن الفتنه وهونا

تريحنا وريحنا السيوف ورايح الحداد=سنين ولا علمنا الا تشره فينا اسفلنا
محمد مبتدا الهجري وعيسى فاخر الميلاد=وحنا والنصارى واليهود ايتهم احسنا

ليا منك قعت اعن الجهاد ابرك لك المقعاد=بعد ماشاب راسك يالمطيري لا تورسلنا
انا خابرك رجلٍ تعرف المصدار والميراد=ولن ضيعتها ياخليف قنا الله يأمنا

تعبتو لجل ستر الحال من صنعا ليا بغداد=ولا شنا لقت طبقه ولا طبقه لقت شنا
تكيفتو من الدله وكيفتو من البراد=وعودتو على لعبة دبل حكم ودبل صنا

على الصحراء تضعضعتو وحنا للفضاء رواد=ياكبر الفرق غرب وشرق بين الانس والجنا
ليا سميتها لعبه وسلمت نقدت النقاد=نبا ندبلك حكم وصن من قدام تدبلنا

مناديك المنادي للجهاد وقلت اخير اجهاد=على صهوت فرس ولا على غارب جمل شنا
مناظركم بملبوس الحرير وفرشت السجاد=تمدنا تطورنا تطورنا تمدنا