قالوا حبيبك راح واختار دنيـاه
قلت ان تركني قربوا الموت ليّه
الموت ارحم من حياتـي بليـاه
يا كيف ببقى في حياتـي هنيّـة
يا موت خذني قبل لا شوف فرقاه
خذني دخيلك قبل تصبـح عليّـه
اختار غيري يوم انا حيل اهـواه
اختارها لجـل الحيـاة الدنيّـة
ماقول غير الله يسامح خطايـاه
ويجيه رزقه كل صبح وعشيّـه
صحيح احبه واعشقه واتماشـاه
لو هو تركني دون ذنب وخطيـة
ايه اعشقه والقلب عايش بذكراه
واعشق ترابه واندفن فيه حيّـة
يا عين هلي دمعتك وقت طريـاه
واسقي عيونه لا لفتنـي المنيّـة
آهات من وقت ٍ حرمني ملاقـاه
وآهات من حظ ٍ تركني ضحيّـة
قسمة وكل ٍ في جبينـه معانـاة
وانا انكتب لي دايم ابقى شقيّة !