مـــنيف منــقرة و أبــــو مشــعاب
كُتب : [ 30 - 06 - 10
- 07:14 PM ]
السلام عليكم ورحمة الله وبركاته
منيف منقرة :
في محل الربعة الي ليا قالوا يفعلون = مرحبا ترحيبة تلحق العاني هواه
بعدها ياليل طول لما الكايد يهون = وإن عوى سرحان كل العرب تسمع عواه
ابو مشعاب :
في محل الربعة الي يسدون الديون = البقا يالشاعر الي حضرنا في حراه
يا أهل الشام العبوا ياعساكم تسلمون = والمنادي يوم نادى نجيبه في نداه
منقرة :
الله يحييك ياضيف وأنته ما تهون = ويق في راس الجبل واعرف الي من وراه
شامنا مثل اليمن نعرف الي يقصدون = مير أبو مشعاب يدري ولا يبيح خفاه
أبو مشعاب :
يالعلك للبقا لا تكثر فالظنون = وإن بدينا فالجبل نعرفه وأعرف حصاه
يامنيف الناس تنطحك وانت أحسن زبون = ثم أبو مشعاب لساع ماحرك عصاه
منقرة :
العلوم أنواع من كل شكل وكل لون = من يدور له على شي يابقيلي لقاه
الأوادم بالسعة يذبحون ويصلخون = ومن جرح له جرح ملزوم يبحث عن دواه
ابو مشعاب :
انت صادق مير هذا الزمن جت له قرون = ليتهم قدامها سكروا باب القناة
هبت الحايه وجابت بشر ما يفهمون = مير خل اهل الهوى كل واحد في هواه
منقرة :
البشر صابه جنون البقر صابه جنون = لعنبو هالشارب الي ينزل مستواه
.....................................( من المصدر )................................
أبو مشعاب :
البحر ماني براعيه يالقلب الحنون = صابته عله قوية على حيد الفراه
اصبروا فترة قليلة عساهم يرحلون = وتخلى لك غبة البحر وتدور الرحاه
منقرة :
شوف أظن الخاين إن تاب ما يرجع يخون = نشتري له ثوب وعقال وشماغ وعباه
انت ودك تردع المعتدي والا بدون = بالمواقف كل يبين جوده من رداه
أبو مشعاب :
المشاكل كلها فالطويل من الردون = كيف تكسي قسم مخلوق حظه ما كساه
شفت راع القلب الأسود يكشر بالسنون = قصته يضحك ويبكي بوقته في خلاه
منقرة :
ياسليم انتو عرب تظلمون وتُظَلمون = والضعََيف لا تحسدوه يوم الله عطاه
من يهاب من الشوارب يهاب من الدقون = والرجل يحسب حساب لصوابه ولخطاه
أبو مشعاب :
يابلي لاتعلنون الخبر بالمكرفون = الظليمة تجعل الغيث يقعد في سماه
احتسوا للجولة المقبلة يا مسلمون = والهدف جبهتك يالمنقرة بين الجباه
منقرة :
ليه تجحد وانت من عزوة ما يجحدون = نجمكم لا طاح ياسليم وقع في صفاه
شد حيلك واضرب الراس من فوق المتون = واترك الساري يروح ليا كمل سراه
أبو مشعاب :
ماجحدنا والعرب كل أبوهم يشهدون = نجمنا مع نجمكم فوق يا مال الغناة
يا قضاعة كلكم تزرعون وتحصدون = مار مدفاع الفتن ثار في داخل خباه
منقرة :
البلا بقلوبكم تبعدون وتقربون = مير ما أحد يطوي البيت غير الي بناه
يا سليم أنتو عرب تحفرون وتدفنون = مير ما نصبر على الموذي إن شفنا وذاه
أبو مشعاب :
يارفيقي لا تعاين خفيفين الذهون = شد حيلك وأصلح الي بقي لك بالحياه
البشر واجد وكل يغني له لحون = مار وين الي يحافظ على طوق النجاة
منقرة :
الي بظهور الليالي تشوفه في البطون = وأنت عمرك راح ماشفت فقر ولا غناة
يا وسيع العرف وأمر الله بكاف ونون = وأكثر المخلوق مستذير داه برداه
أبو مشعاب :
لنا رحلنا ربعنا فالمواقف يحتمون = وأنته أولهم كما الذيب في راس الطراة
|