في محاورة وفي حفل حضرته قبل سنوات في مدينة الرياض كان عند الظوافرة من مطير , وكان شاعر الظوافرة الشاعر عاتق شيمي هو ممثلهم في المحاورة , وكان هناك الشاعر المبدع سوار الذهب وكذلك ملفي المورقي .

المهم حصل نقاش وموضوع ذو معنى جرى بين ملفي وسوار الذهب وهذا رابط المحاورة التي أقصدها .
http://www.almizany.com/showthread.php?t=31538

بعدها طلب عاتق الظويفري سوار الذهب ولامه حول هذا المعنى .





بعد ذلك طلب ملفي سوار الذهب واشار الى محاورة عاتق وسوار الذهب , وملفي أراد توسيع المعنى لأنه يضاد موقف سوار الذهب في المحاورة الأولى , ويريد أن يقول العدو الكافر وليس هنا , ويربط محاورات الحفلة ومعانيها بطريقة جيدة , ومع استمرار النقاش الرائع من سوار الذهب في هذه المحاورة المرتبطة بشكل أو بآخر بالمحاورة الاولى .


المورقي :

هاذي الليلة طرب وأفراح وضحوك وتسلي = بين عبدالله وابن شيمي وصفين الجماعه
لاتذكرنا الليال الماضيه ياليل ياللي = يوم كلاً يارد الجمه ويشرب من ذراعه


سوار الذهب :

هاذي الليله علشان النشامى جيت كلي = مانقول الا لعل مطيع فيه الاستطاعه
ان ضكحت من العيون الحول في جبهة حولي = فيه سبع بحور والبابور لاتطوي شراعه

المورقي :

سوقكم مادري مدلي ياعرب والا معلي = ودي انشدكم وطيب السوق من طيب البضاعه
امتحنا الكافر اللي لايصوم ولايصلي = كل ليله يلحق البارود في بطن السراعه


سوار الذهب :

لاتحرى سوقة الفنجال وأنت اللي تهلي = أمس ياعصر الجهل واليوم ياعصر الصناعه
ياطوارف روق قراش السنه خله يولي = انشروها فالجريده واعلنوها فالأذاعه


المورقي :

بارك الله فيك وش قرّب محلك من محلي = لاتفرط فالواداعه وانت مامون الوداعه
من غرابيل الليالي وش نشيل وش نخلي = الدهر يوماً سلام ويوم تعوي لك سباعه


سوار الذهب :

انت ياراس الغلا خايف عليك من التغلي = يابحر جده عسى ماانته بحر من غير قاعه
يضحك الجمّال هذا الحال وبعيره مفلي = بالطيف الحال لو يربط خطامه في كراعه


المورقي :

البشر ولت وراس يليس عيا لايولي = وان دخل في ديرةٍ خضراء يخليها مجاعه
واحليل الصاحب اللي لايكل ولايملي = العرب تحصد وابو عرام يحرث للزراعه