ياعقاب يا حبس الضعن بالقا الشين = يالي حريبك بالهزيمه يمنا
عينت ذيب الخيل يوم الأكاوين =نور العيون بغيبت الشمس عنا
هو عايشٍ ولا رموه المعادين = يا عقاب خبرني تراي اتمنا

يابنت يالي عن حليلك تسالين= حنا لنا حين يسالون عنا
خمسة عشر ليله على الوجه مقفين = ندور وضحٍ بالباهر تحنا
وشفنا هل البل شاربين الغالاوين = من دون رخمٍ للحوير تحنا
وجونا ثلاث أميه وحنا ثمانين = مثل المحوص الشلف منهم ومنا
وبانت رديتهن وشفنا الرديين =وكلن عرفنا عزوته يوم كنا
ليتك تراعي يا عذاب المزايين = يوم إن عيدان القنا يطعننا
منا عشيرك طاح بين المثارين =في عبلةٍ فيها الوضيحي تثنا
ومنهم جدعنا عند شوقك ثلاثين =كم خيرٍ من راس رمحي يونا
الكد لهم يابنت ونتي تعرفين= لما حمام النصر رفرف وعنا
وقلايعي من نقوة الخيل عشرين =قبٍ ولا فيهن ثبورٍ ودنا