تحدي كورة شعر ..!!

قل للمحشّش ماردونا لا تحلم
أنك على المنشافت يمكن تنتصر

توماس مولر حي من جاب الزلم
بكره يجيب القول في لمح البصر

الشاعر محمد الضويحي

ان ضعت يالتانقو ماضيّعك ميسّي
..
صعبة البّس شعوري رقم عشرة
من شان ميسّي ولا من شان هجوين

احب ( الآزور ) في لينه وعسره
وان قلت لي راح .. قلي رايح لوين ؟

هذاك مافيه لون يعيش كثره
بعيون جمهورة فكل الميادين

و( التانقو ) لا انهزم او فاز بكره
اخلاقنا تسمح نشارك مساكين ..

بنقول مبروك لكن ، على فكره
مثلك مثل لا لعب مكاو والصين

الشاعر عايض الظفيري

غِياب الابداع.. قبل ازمان
يالمستديره.. تناسونا

حتى سطع للاورنج.. الوان
بخيوط من شمس.. لفونـا

كن السيلسـاو.. بالميـدان
جونا الطواحين... ماجونـا

والوعد باكر.. بفصل جنان
جنو..وجينـا.. وجنـونـا

نوتات الابـداع.. للالمـان
لاوركسترا.. السحر ودونا

يامايسترو لوف.. وقتك حان
مولر مـع اوزيـل غنونـا

يصـدح ليونيلنـا.. الفنـان
تك تك .. بالقـول حيونـا

ماتعزف التانقو.. باحـزان
ولايرقص الا.. مارادونـا

الشاعر عساف التومي

م/ن