اشكر الاخ سالم لدعوته لي للمشاركة اخ ابورهف القصيدة قديمة جدا وسوف اضعها كما وردتني :

ذيب شهر بعالي الصوت عاوي ## يبكي أبن حسن سلايل كحيلان

لجى نهارٍ يكثر العزاوي ## تكثر طلايبنا وللخيل فرسان

هايف منهو ضاريٍ للحداوي ## ينزل منازل شيخنا الحر جفران

هايف على الميلات حرٍ نداوي ## يشوش وسط الكون حماي الأضعان

تبكيه صفرٍ جذيت للقهاوي ## ويبكيه نجرٍ تالي الليل دنان

تبكيه صفرا ضاريه للغزاوي ## ويبكيه سيفٍ منشهر يوم الأكوان

مرحوم ياللي للمناويخ ناوي ## والشيخ ابن هذال للكون عنان

شيخان علوى مبعدين الهقاوي ## حريبهم في تالي اليل ونان
سميكم ياشيخ هايف يراوي ## هذي ثمان أيام ماقال حيران

ليته يعزم القول ليته يداوي ## على الخوالد يارد الصبح رويان

نسهج جنبهم ويصبح الشيخ ثاوي ## من فعلنا سطلان يومي بالأردان

هذي علينا من كبار البلاوي ## ياكيف يذبح شيخنا طير حوران

شغموم علوى محتمين النخاوي ## لكلب الشارب بروغات الأذهان

ياطير ياللي بالسما متساوي = حول على زيزوم ربعة بليهان

ابن عريعر دايم الراي غاوي = نسى فعايلنا على كير ضروان

قلة وعدنا ليابغى الشيخ هاوي = نجعل قصورة جاثية مالها اركان

وهنا بعض الاضافات على الموضوع :

بعد ذلك تم الغزو عليهم واخذ الثار فقال احد نفس الشاعر

الحمدلله مالنا قطعة ايام = خذنا القضى بالشيخ خطل الايادي

اللي على العدوان بالسيف حوام = خذنا بدلة اليوم عرو البوادي


ومماقيل فية ايضا عندما اصيب في احد الغزوات

فال الشاعر دخيل الله الفغم

الضيغمي هايف عسى الله يشفية = ذرب اليمين متعب الكايديني

اسمة على فعلة وفعلة شهر فيه = سيف صقيل مذهب العايليني

يالله اناراجيك تجبر محانية = هو شخينا هو درعنا الرديني

وقيل فية ايضا

ياوين هايف معدل الحمل لا مال = حمل ثقيل ياعرب يرتكيلة

قولة على فعلة وفعلة ليا قال = تتبع الاجواد وش فعل قيلة

نطاح للجمعين رجلي وخيال = لين الرقاب المشرفة تنحنيلة