خليف ابن دواس :

ياملفي المورقي هات العلوم اللي حصل ويش = يمّ الجزاير وتونس والبلاد المغربيه
تونس بها جيش والا تونس الخضراء بلا جيش = وأنا ماعرف البرابر والبلاد البربريه

المورقي :

انته تدور على الاخبار هاذي بالمناقيش = لكن انا من علوم الناس هاذي ماعليّه
تونس بها نار مار النار فالأوكار حتيش = نبا نقطّر عليها الماء وتبرد في شويّه


خليف ابن دواس :

اللي يبا الكهرباء لابد له من شبكة الفيش = ياليت يامغناطيس الشام مالك جادبيّه
يازين حظك تصرّف من جمارك مصدر العيش = واللي سواتك تصرّف بالرسوم الجمركيّه


المورقي :

انته مكينة وتشبك وتشبك الدراويش = من كبر حظك تسيّر بين هاذيه وذيّه
حنا هل البارق المنشور واهل الخيل والجيش = يوم انت مادركت معنا لاكثير ولا بليّه


خليف ابن دواس :

امطير الاشراف ماتاخذ ولا تعطي بخاشيش = والقوم تاخذ وتعطي في مصارف داخليّه
مع لبسة الصوف بدلت المطارق بالمنافيش = من عقب صلح الحديبيه علومك سروجيّه


المورقي :

مافيه تمراً بلا ساقط ولا طيراً بلا ريش = والاسم يكتب رباعي فالجواز وفالهويّه
اللي يركّب على صال الجحيم يفوح ويطيش = والقدر مغطى على اللي داخله والنار حيّه

خليف ابن دواس :

هبت هبوب الشمال وشوش الرادار تشويش = قبل امس مثل امس انا خابرك مالك تابعيّه
اللي على النار هو احسن عراش من العراميش = ياللي كسبت اربعه وكتاب في بطن القعيّه

المورقي :

صفق الهوا مايعكر صفو مزحم والحناتيش = ومطير ربعي على خبري بهم هاك السنيّه
اقطع وكل من شواك المعتبر لكن بشويش = عساه بالخير والا سم داب وسم حيّه