انا ضد هذه القصيدة تماما .. فالبرقع موروث شعبي لنا نحن القبائل العريقة
اليوم او بعد هذه القصيدة الكل لبس البرقع
(حتى التكارين !!)
صحيح اننا قصرنا في تبجيلة كما من هن قبلنا ولكن نتذكره من حين الى اخر على الاقل اذا بغينا نعيد في الديرة فهو
جواز سفرك لدخول هذه الاماكن !!!
عموما لا يفوتني ان اداعبكم بحوار بين البرقع وعجوز تكبرت عليه ..
ياعيالي من لقي البرقع ؟=غدا ياعله ودراه
حطيته يوم قمت اصلي !=عساني ماعاد القاه
والبرقع زعل ةهاوشني =دخلت بهوشه وياه
اللي مثلك ما يحذفني =بس يحطني في مخباه!
وانا مغرورة في زيني = وانت تغطس هالفتاه
ابغى زيني يظهر كله =ويقال يازينك زيناه ..
عين ذابح قرن سابح ..=وعنق ياعنق المهاه
والبرقع قام وينهزا=ذاك من اول ياويلاه
ذاك منول يالمهبوله= واليوم ياعيبك عيباه
سنك طاح وشيبك لاح =والوجه يروع من جاه
قلت اسكت وانا بسكت =معروفك والله ما انساه
باحفضك واقطب خيطك =والبس من فوقك عباه