راكب اللي كل ماترقـص ابلـوفه =يسجع ابصوته مثل صوت الحمامه
سجلو في ركنه الايسر احـروفــه =والعلامـه فـوق شـبـكه تقل شـامـه
وسط خد اللي من البيض امحفوفه =بعـد لبـست في نهـار العـيد هامـه
بنت شيخً مـد يمـنـاه امـعـروفــه= بالشجـاعـه والـكرم وافـي مـقـامــه
لانظرة ابداخله تعـجـز تطــوفــه =مجـلس الحكـام في قـصر الـيمـامـه
شي عاج وشي مخمل في وصوفه = صنعت اللى ماعرف حل اوحرامه
وكن نوره يوم يقبل ثم تـشوفـه = كشف برقً قام يقـدح في غمـامـه
فل ابشن دون مركوبه اولــوفـه = مايـجـيـبه غيـر من يرخي احزامـه
لاعطى الطرقه اوسواقه يحـوفـه =منـوة اللـى جـاربه وقـتـه اوضـامـه
ماعلا مثله امع الطـرقه كلـوفـه= كـنـه اللـى جـالـسً مجـلـس زعـامــه
يلفي اللى يفرح احجاجه اضيوفه=دون مــده مـكـرمً ضـيـفـه مــلامـه
والكرم والطيب شامه في كـفوفـه =ومـرحـبا ياضـيف تسبـقـها ابـتسامه
فاز عن غيره اوعقبله اصفـوفه = ومجد جـيـله ماسكن عروة سنـامــه
تركـي اللى دايمن جردً اسيـوفـه = طـيـب راسـه من خـواله لاعـمـامــه
دون كل امطير شامخ في وقوفه = اوقـفـته تبقى الى يوم القــيــامـه
مد بحرً يـغـرق السـبـاح جـوفـه = ومن يـطب المـوج ماحولـه سـلامـه
والختام اقبل سلامي في احروفه= من هجوسً تعشق الطـيـب اوتـرامـه

شعر,,
خلف زهيميل العبدلي