ماجد الميزاني

ياسلام الله سلامٍ فيه جـل مـن التحايـا=في محل هذيل قبل هذيل يذبحني غلاهـا
السوالف يامحمد جات مـن بـذ الخفايـا=ودنا نكشف عن الحره ونعرف وش وراها

ياهلا يامرحبا بك من مجهـزت السرايـا=مثل ماتغلي هذيل مطيـر نغليهـا كماهـا
يالمطيري من هو اللي يعلم أسرار النوايا=مير من دون الحرار اذياب يقنب لك عواها

البقا يهل العلوم الطيبه وهـل الحميـا=رافع الله شانها مع قدرها من مستواها
النوايا طيبه وعلومنـا سـر وخفايـا=والذيابه يامحمد نحمد الله في حماهـا

اختصرنا صورة الواقع حسب حجم المرايا=والحقيقه صورة الواقع مااحد يلحق مداها
كل وقت وله رجال وكل حرب وله ضحايا=احسب حسابك ترى الدنيا بدت تدرج رحاها

صورة والواقع حقيقه يوم عقلت المطايـا=والحقيقه عن ديار هذيل تعرف من حصاها
تاكل النيبان قسم ويش قسمـك يالثنايـا=والرجال الي تعز اشنابهـا تكـرم لحاهـا

منت موزم تنزوي ياماجد افبعض الزوايا=مير ماني هادي المطران والله ماهداها
الشواويه شواويـه وتقنـع بالشوايـا=والذيابه من حلال القوم جاب الله عشاها

يابليس القوم كانك جيـت جفلـت الرعايـا=مير حاسب للقدور البيض لاتكشف غطاهـا
انت وش حصلت يومك جيت من سبت العلايا=نعرفك تاخذ حلال القوم ماتسـرق غداهـا

مانكب بعض العرب ربي يكود من الخطايا=نكشف اقدور العرب واقدوركم نغطا علاها
جيتكم بهذيل من مكه على ضهور السبايا=اهذليً لالقيله قـوم فـي دربـه خذاهـا

داخل الله من حدوث الذنب وسهوم المنايا=ونت لو تشوف قدمك نار لاتقرب سناها
جيتنا ونت الحلا وشلون نلقالـك حلايـا=قبل لاتعرف سبيه ماعرفت الي سباهـا

ناركم برد وسلام ولا من الطيب رزايا=دامك من الدبدبه يادابها مدري دباهـا
انته ابلشت القضاه الي يحلون القضايا=حاجةً ماهي حرام ولاحلا ولا نباهـا