عقب صمخت الباب ماني بمضبوط = بغيت أولي مار ربي كفاني
طلع في راسي كمختين (ن) وزعموط = حسبي على هالباب وشلون جاني
شي(ن) مقدر يابو فارس ومسفوط = ومالك عن المكتوب يالمودماني

حسبي على هالباب وشلون محطوط = لو منتبه ما كان خطك لفاني
وش عاد لو يظهر على الراس زعموط = وراسك ماهو راسي وربي كفاني
ما دام حي ولا بعد ذر حانوط = سلم على هالباب تسليم ثاني

يمكن تعمد قدمك الباب محطوط = من شان تكمخ فيه بين الأذاني
لا تحسبني بعد حادثك مبسوط =حسيت في راسي بزعموط ثاني
لو كان به شي على الباب محطوط = ما كان جبت العيد قدم رمضاني
لكن تعلم تونا في أول الشوط = وامش بركادة بعدها ما تعاني