منتديات الموازين الرسميه - عرض مشاركة واحدة

غير متواجد حالياً

مقدمة:
ما أجمل النفوس حينما تكون صافية تحمل في داخلها الطهر والعفاف والمحبة والصدق فتغرف منها الألسنه أجمل الحروف وأعذب الكلمات .

تمهيد :
رزق أخي وصديقي الغالي الوقور ( منصور نايف الغبيوي ) ببنت جميلة . والعادة أن الرجل في مثل هذه الحال يترك المرأة عند أهلها حتى تنتهي الأربعين القاسية .

الزبدة :
الزملاء في المدرسة أنهالوا على منصور بالتعليقات الجميلة :
العزوبي , المسكين , تزوج ثانية , والي يقول : أخبر لك مصرية , أو سورية .
واللي يقول : بلا مصرية بلا سورية . سعودية جاهزة اعيالها سبعة أصغرهم مذن مسجد

أما صديقنا نايف علي البداري فكان له رأي آخر حيث قال :

النص :

يا ليل قلي وين نـام العزوبـي=وسط المقلط وإلا فوق الغمارة
وإلا طرش يم الشعيب الجنوبي=وإلا تلحف وأندعس في الغمارة
كان المدرس ما يعرف السلوبي=ياخذ إجازة من مديـر الإدارة

أما أخي عادل مشعل الحبردي ( رحمة الله ) فكان رأيه مختلف :

أركب على اللي جاهـز للركوبـي=وانص الذي يقضي اللزوم بجدارة
واطلب منه بنت(ن) تعرف السلوبي=وحطها في البيت وشـب المنـارة
وافرح ولا أنته مونس(ن) للهبوبي=ولا أنته محسب في كثير الخسـارة

وقال أحدهم على لسان منصور مدافعاً عنه ضد هذه الهجمة الشرسة والعدوان السافر :

يا هيـه ياللـي للمثايـل لعوبـي=ما ينقطع خط(ن) وحمرا الإشارة
وش عاد لو تاخذ زمان محسوبي=ماني لحالي في بسيـط العبـارة
وعزي لنفسي عن دروب العيوبي=أخير من قولـة رجـع للدشـارة

وسلامتكم