منتديات الموازين الرسميه - عرض مشاركة واحدة

غير متواجد حالياً

مرحبا خواتي الغاليات ...
أول شي مشكورة يالغالية أوتار على الموضوع الحلو والممتع
وثاني شي مشكورة يالغالية ملكة القوافي على إختياري ..
وتفضلوا أجوبتي <

1- شنو لون شنطتك المفضل ؟؟

مافي والله لون معين .. بس أهم شي مايكون لون صارخ أو فاقع ..

2- تحب تغير شنطتك باستمرار يعني مع كل طقم شنطه خاصه به ؟؟
امممم لطلعات المسايير أو الدوام ايه أغيرها بما يتناسب مع اللبس ..
لكن للسوق مثلاً أو طلعات عائلية فقط لا ماأغيرها
عندي وحدة للكرف وآخذها دايم ..

3- اذا دخلت البيت ترمي شنطتك في اي مكان ولا لها مكان مخصص لها ؟؟
الصراحه إني أرميها بس مو بأي مكان
أرميها على شماعة غرفتنا بس (:

4- شنو في شنطتك اللحين ؟!؟
هذي شنطتي

وهذا القراشيع اللي فيها (:

وهنا بشكل أوضح :

وهذا بوكي ومحتوياته ... << طلع غبار يوم نظفته ...
لقيت أشياء من سنين ماحذفتها .. طبعاً لي غرض في عدم حذفها .. وهو الإحتفاظ بها كنوع من الذكريات الجميلة ..

بطاقات رسمية / بطاقات إعلانية / عملات إماراتية وعُمانية واللي يشتري بأبيعها لأعلى سعر <<
قصاصة قديمة من جريدة < طبعاً قصيدة عجبتني وقصيتها
وأهم شي بطاقة ألعاب سفوري لاند < عشان الهوانم خواتي الصغيرات
أوراق وفواتير مدري وش خانتها من الإعراب بس ماعليه خلوها بالبوك دام البوك راضي وماإعترض (:

5- عادي لو احد جا وفتش شنطتك ؟؟

لا مو عادي ..أكيد بأستغرب وبسأل ليه التفتيش !

6- اهم شي لازم يكون بالشنطه ؟؟

جوال + بوك + مناديل ..

7- هل شنطتك دايما معك؟؟
اكييييد .. مستحيل أستغني عنها ..

8 - متى اخر مره نظفتي شنطتك ؟

والله قبل شوي يوم جيت أصورها (:

9- هل تحبين الحقائب الرسميه ام اللي تكون شكلها غريب ؟
أحب الحقائب الكلاسيك .. أو الناعمة .. وأهم شي تكون عملية ..
ولو صارت ناعمة وغريبه فهي بتكون أحلى بالتأكيد ..

10- هلى تفضلين الحقائب ( الكبيره - الصغيره - الطويله - القصيره ) ؟
الصغيرات ماأحبهن أبد ..
حتى بالزواجات أشيل هم لأني لازم آخذ شنطة صغيرة ...
أفضّل الكبيرة لأنها " تشيل " كل شي .. وماتقول لا

11- تذكرين لون اول شنطه شريتيها غير شنطه المدرسه ؟
لا والله .. بس أتذكر شنطة مدرسية جلست معي حوالي ثلاث سنوات .. رابع وخامس وسادس ..
لونها أزرق كنها جينز .. وكنت عادي أكرفها سنه ورا سنه ومبسوطه
الحين بنيات هاليومين لو تقولين لها ادرسي بنفس شنطة العام كان تعقدت وكرهت المدرسة هههههه

12- هل لكي ماركه معينه لشراء حقيبتك ؟
لا أبد .. أحب شنط مانغو لأنها عملية ..
وأحب شنط مكس وناين ويست لأنها فخمة ..
بس ماألتزم بشي معين .. واللي يعجبني آخذه ..

13- كم عدد الحقائب اللي معاكي الآن ؟
والله تقريباً خمس ..
14- كم تقعد الحقيبه معاكي و ترمينها ؟
أنا بطبعي ماأرمي شي .. أترك الشنطة بالدولاب
وأكيد بتجي مناسبة وأحتاجها فيها ..
عندي شنط لها خمس وست سنوات .. وشبه جديدة ..

15- متى شريتي الشنطه الى معك ؟
يمكن من ثلاث شهور ..

16- ما هو اول شي يجذبك في الحقيبه عند شراءها ؟

حسب غرضي من شرائها ..
إذا كنت أبيها لمناسبة معينة فأكيد آخذ طابع المناسبة ولبسي فيها بالإعتبار ..
أما إذا كانت للطلعات السريعه والسوق وخلافه فأنها أدور البسيطة والعملية ..

17- ما هو الشي الذي يمنعك عن شراء الحقيبه ؟
إذا كنت ماأحتاجها ... وسعرها إذا هو غالي ..

18- ما هو الشي الذي يرافق حقيبتك دائما و ما تستغني عنه؟
بوكي بما فيه من بطاقات وخلافه .. وجوالي لأني قد أحتاجه لطارئ لاسمح الله ..
هذي أهم شيئين وما أعتقد ان ممكن أحد يستغني عنهن ..

سابقاً برضو ماكنت أستغني عن علبة العدسات لكن حالياً الحمدلله استغنيت عنها تماماً ..

19- اشرحي بالتفصيل الممل الأشياء المعتاده في حقيبتك ؟

حقيبتي شفتوها فوق وشفتو اللي فيها ..
يعني ماتتعدى جوال وبوك وشنطة مكياجات خفيفة وكريم يدين
والشي المضحك ان شناطي لازم يكون فيها " شغابات وإلا خواتم وإلا أي قطعة إكسسوار أصير لابستها بمناسبة وحنا بالسياره نزلتها وطبعاً ماأنزلها من الشنطه تدرون ليه !
عشان لو سيرنا مره ونسيت ألبس شي أفتش شنطتي وألبس اللي فيها

هالطريقة حلوة لكن مشكلتها ان نص أغراضي تضيع بين الشناط

[/align]