أخوي أبن مصاول إذا على القطة أبشر بها بس لا تنساني منها ففتي ففتي . أوكي !!
وصراحة الفواتير مبالغها كبيرة . ربي مايحب التبذير حاولوا تقتصدون وخصوصا الكهرب بيجي له يوم وتفقدونه ( متعقدة منه كل شوي في القايلة قاطعينه علينا !. .مدري وين راحت محطاتهم الجديدة اللي مسوينها !! ) .
أما الدواء حق السوق فأنا قريت قبل فترة عنه يقولون يمكن ماراح ا يدخل السعودية ويتوقعون يدخل ويباع بالدس ( الظاهر مخدرات ع
غفلة )
وما شاء الله ع ضيف الله ربي يحفظه ويخليه لكم ويبارك لكم فيه . . الحين تلقى بعض الشباب مايعرف كيف يقضي للبيت .إما معتمد ع غيره أو إن أهله ماعودوه . وتلقاه في سوق المواشي يقول أمي تقول عطونا ثنية ولا جذعة !! والله لو يعطونه عودة طايحة سنونها بياخذها ويمشي لأنه أصلا مايعرف وش هي . هذا بالله كيف بيفتح له بيت في المستقبل ؟!!!
أشكرك ع النصائح والتوجيهات القيمة وإن شاء الله تتحقق الفائدة منها .
تقبل مداخلتي التي دونتها ع عجلة من أمري.
ولي عودة بإذن الله للتعليق ع مشاركة شيخنا الرمح .