1/ مين يقضي مقاضي البيت التي عبارة عن "
مقاضي المطبخ ؟
مقاضي المطبخ تكتبها المدام في ورقة واجيبها ..
مقاضي الاطفال ؟
الله يرزقنا ..
اغراض البيت الثانية من اثاث ومفارش والعاب وبخور ومستلزمات صيدلية ؟.
بمساعدة زوجتي ويكون فية مشاوره..
( بمعني من اللي يروح ويختار الأغراض ؟ أنت لوحدك ؟ أنت والمدام ؟ أنت وأختك ؟ السائق ..... الخ




2/ اذا قررت ماهي الاغراض المطلوبه واللي أنتم بحاجتها هل توفرها بقدر حاجتكم ؟؟ والا معها زيادة حبتين ؟ يعني تحتاجون 2 شوفان وواحد فيمتو بما إنا مقبلين على رمضان . هل تشتري نفس الكمية ولا بتزيد عليها ؟
بصراحة أنا أعاني من مشكلة (حبتين )لأني لازام أزيد (حبتين)



3 / نشر قبل فترة في الصحف عن دواء جديد يقلل من شغف النساء بالسوق .
ما رأيك بهذا الدواء ؟ وهل ستحضره يوما ما لحواء ؟
أتحداهم أذا لقوا هههههههههه..مافية !!




4 / ياليت تقدم لنا بعض النصائح على افضل طريقة للتسوق للبيت ؟
أفضل طريقة أنك تروح وانت شبعان علشان ماتقش كل شي.
أنادائماً متابع للعروض التسويقية وأحب أقارن بين الأسعار وشوف الفرق..
ولازم الواحد يشتري الأغراض المكتوبة في الورقة فقط..


5 / نصيحة تقدمها للي يسعسعون ( يسعسع من العسس أو العسة ) في الأسواق ومالهم حاجة ومسببين زحمة للعالم ؟
أقول لهم أتقو الله في كل مكان ..ولازم يراعو الوقت الي يقضونة في السعسعة..






1/ شخص مشهور تمنيت إنك مكانه ؟
الشيخ السديس..


2 / أفضل رياضة عندك ؟
طبعاً رياضة كرة القدم ..


3 / تحب القرآءة ؟ إذا نعم . ما هو آخر كتاب قرأته ؟
ليس كثيراً..أحب مطالعة الصحف أكثر..


4 / هل تحافظ على فروضك في المسجد ؟ جاوب بكل صدق ..
طبعاً وبكل صدق..والله الحمد..


5 / شي يزعجك وانت تسوق السيارة ؟
الرد على الجوال أثنا القيادة..


6 / هل تحب تشغل المسجل أو الراديو وانت تسوق ؟ وأيش تحب تسمع ؟ قرآن أناشيد شيلات محاضرات أخبار ....
والله أسمع كل شي ..


7 / تسمع أغاني ؟؟؟؟ جاوب بكل صدق . وإذا نعم هل توعدنا إنك تتركها مع حلول الشهر الفضيل ؟
أسمع لكن بقلة والله يهدينا..



8 / من تحب تاخذ معك في الطلعات ؟ سواء للسوق للبر للمنتزهات . أصدقائك , , خواتك , العائلة كلها , لحالك ؟؟؟
العائلة ولازم تكون طلعة مرتب لها بوقت علشان نستمتع بها..


9 / تساعد أهلك بشغل البيت ولا لا ؟ أكيد لا ..
نادراً ..والله يخلي الي قايم بشغل البيت..


10 / هل أنت راعي عزايم ؟ كل شوي جايب لك واحد تقهويه ولا تعشيه .
أحنا عندنا قهوة المغرب شبه يوميه في بيت الوالد وانا وأخواني متواجدين في بيت الوالد الله يرحمة وهي مستمره والله لايغير علينا والعشا حسب الضيف وعادة أذا ذبحنا ذبيحة لبيت
نطبخ جزء منها ونعزم جيرانا الخاصين عليها


11 / تحب تصب القهوة للضيوف ؟ ولا معتمد على غيرك ؟
هذا شي تعوت علية من وانا صغير لأنني أصغر أخواني ههههه


12 / هل أنت النوع اللي إذا دخل البيت أهله جاهم خرشة والكل يدري إنك جيت من صوتك ؟ .
لاأنا شخص هادي ألا اذا في شي يستدعي التجهم.


13 / هل تتمنى أن يكون أبنائك مثلك ؟ أو تود ان يكونوا أفضل منك ؟
أتمنى يكونون أفضل مني


14 /شعورك بعد ما انتهيت من التفتيش ؟!!!!
والله أحس أني في لجنة تحقيق



15 /كلمة أخيرة تحب تقولها ؟
يعطيكم العافيه على الموضوع واشكر صاحب الموضوع ومن أختارني لتفتيش.


بعد ما خلصت الله لا يهينك شوف من اللي واقف وراك بالطابور وخله يتقدم للتفتيش ( يعني إختر عضو بعدك وقم بإبلاغه على ملفه الشخصي ) واللي ما يختار عضو بعده او يتستر عليه ترا سجن الملز قريب ( تهددكم )
بدون تهديد والله أني (أختار جبر الخواطر)