تعدل وعدل كتفك أليً عليه مال=وأنا ما أتحمل رصة الكتف يازيني
تذكر وتذكر سالفه حولها ماحال=بطلها أنت يوم انك للاخطار ترميني
تجدد جروح وقبلها غائر مازال=تلاحق هدايا الموت كم موت تهديني؟
تعدل تعدل ميل عني شوي شمال=أبا أخذ نفس دمي وقف في شراييني
أسير الشفايف لو تصنع يجيه جفال=يحس بحرارة شمس عشق المحبيني
وأسير الرموش الهدب يضوي عليه ظلال=نقيً الهوا من بحر مابين رمشيني
أناجيك والنجوى تثير الشجن في البال=وأوصيك لا تغضب وانا لا توصيني
ما دامنيً البس ثوب وشماغ تحت عقال=تطمن وصنفني صديق المجانيني
وحسبي على الي ما يقدر ظروف الحال=أشوف اللعانه لا جرحني يهديني