منتديات الموازين الرسميه - عرض مشاركة واحدة

غير متواجد حالياً

قال أبو سارة :
بعد أن مرت على فراقه أكثر من 3 سنوات . أتذكره وقد نسيه كثيرون :

مرت ثلاث سنين والهم ما راح = أشكي من اللوعة صباح و مسايا
القلب من فرقاك كنه على ضاح = ودموع عيني ما تبل الحشايا
أكتم بصدري لكن الشوق فضاح = وتارد على العد القراح الروايا
طير السعد ولَّى بلا عش و جناح = وللبين غربان(ن) بكل الزوايا
كل(ن) بوقته هادي البال مرتاح = على نصيبه غطرفنَّ الصبايا
و أنا بوقتي تايه الفكر سرَّاح = على رفيقي كشرنَّ المنـايا
يا جعل ما ذقته من الهم و جراح = يحط عني من كثير الخطايا
من وين مثله حاضر الفكر لمَّاح؟! = ومن وين أبلقا كامل(ن)فا الحلايا؟!
مثله ترى شوفه تراتيل و أفراح = يقضي اللزوم ولا يحوش الزرايا
يا ليت عادل حي في الأرض سواح = ينثر على البيداء جميل السجايا
يا رب عفوك دام الأعمار بفساح = يا رب عفوك يا جزيل العطايا
يا الله طلبتك يوم نزعات الأرواح = تغفر لعبدك و أنت رب البرايا
ـ ـ ـ ـــــــــــــــــــــــــــــــــــــــــــــ ـ ـ ـ
ولمَّا وصلت هذه القصيدة للشاعر : نادر معتق الغرابي الحربي قال متأثراً :

عمر القمر ما عوض غيابه نجوم = وعمر السماء ما زانت إلا بقمرها
والغايب اللي لا ذكر قيل مرحوم = له دمعة(ن) عند المحاجر خبرها
عادل يا بو ساره مكرم و محشوم = عن زلة النسيان لا جاء قدرها
عادل يا بو ساره له بقلبي وسوم = يبكي لها من هو بعينه سبرها
أبكيه قبل النوم .. و ألقاه في النوم = و إليا صحيت ألقى جروحه و أثرها
يمكن أبيع بحب الأحباب و أسوم = و أنت أعتبرها زي ما تعتبرها
إلا بغلاء عادل عن البيعه أشوم = وشلون أبيع الروح و أقبل مهرها
هذي ثلاث سنين ضايق و مهموم = حسبي على ضيق السنين و كدرها
هذي علومي كان ما جنك علوم = بينتها من عقب ما الله سترها