بسم الله الرحمن الرحيم..............
اليوم مغير المود كلش.....ماني رفيقكم اللي تعرفونه.......وفقط من باب التغيير........ جايب قصة لحبايبنا الصغار...
القصة..
يروى في قديم الزمان أن الحيوانات كانت تتحدث وفي واحد من المارين سمع هذ ة القصة ويرويها لنا بالتفصيل :
كانت للسلحفاة رجل وكان دايم جالس عندها ويطبخ لها وينفخ لها ويغسل لها
سلحوف ذيب ماهو مقصر وماهو مخلي مجال أن زوجته تطلبه شغالة المهم
( سلحوف كل ومل وجاله طفش ونكد )
قال ياواد ياسلحوف ليه ماتتعرف على القرد اللي بالجزيرة روح تعرف علية وأنتا غير جالس بهذا البيت
راح سلحوف الجزيرة ولقي القرد وتعرفوا على بعض وصارت بينهم صحبة قوية ......
سلحوف من يوم ماتطلع الشمس وهو عند القرد ولما تغيب الشمس يرجع البيت
( ولد ف لا لا لا لا لا لا وي )
طفشت أم سليحف من هذا الكلام وقالت يا سلحوف اشبك تغيب عن البيت كثير عيالك دايم يسئلون عنك احد مزعلك احد مسويلك شي
سلحوف : ياهو ان كل ماجيت البيت تسمعني هذي الخرابيط خرج سلحوف من البيت وراح ينام عند القرد
القرد : شوف سلحوف احنا عائلة محترمة وما احد منا ينام خارج البيت لكن هذي المرة بتنام عندنا لجل الصحبة القوية اللي بيننا ولاتعودها تكفى لاتحرجني
أم سليحف أرسلت عيالها لحرمة القرش اللي هي كل الطب عندها بالمختصر كانت منصى لحريم القبايل البحرية كلها وجا ت أم القرش وقالت ايش عندك يا أم سليحف
علمتها القصه كلها قالت اسمعي سوي نفسك مرضانة لاجاكي سلحوف قالت ابشري على أمرك
سلحوف وهوداخل البيت يغني يبغى يلطف الجو !!!!! جو العيال يبا يبا امنا مرضانة.......
انا ابو سليحف ...... أمكم مرضانة خير ويش عندك ياأم سليحف .
أم سليحف : مادري لا أوصيك على عيالك .
سلحوف : لا عسى الله يطول بعمرك قلبه رهيف سلحوف ما يقدر يزعلها ارسل عياله لحرمة القرش
حضرت أم قريش وكشفت عليها ...........................
أم قريش : شوف يا ابو سليحف ترى المراة تعبانة بالحيل ودواها تجيب لها قلب قرد تاكله على الريق .
سلحوف : بس هذا الدوى
قالت: أيه و أنا أم قريش
جلس( يفكر) سلحوف هذيك الليلة مسكين ماجاله نوم قال ياولد مالك إلا صاحبك القرد .
روح سلحوف مع (الغبشه) ؟؟؟قبل ماتطلع الشمس للجزيرة
عند بيت القرد : ياقرد .
القرد : يالبيه
سلحوف : تعال أبيك بكلمة راس
سلحوف ( يفكر بحيلة)؟؟؟؟؟؟؟ بس لايغركم ماهو بفطين
القرد : خير ويش عندك
سلحوف : شوف انا كل يوم العب معك بالجزيرة وأنت ما عمرك لعبت معي بالبحر القرد : هذا اللي عندك مشينا نلعب يخوك الصحبة اللي بيننا اكبر من هذي العلوم.
طلع القرد على ظهر سلحوف والمسافة اللي قطعوها بالبحركانت بعيدة
سلحوف : شو ف يا صاحبي أخبرك انك نشمي وطالبك طلب
القرد : ابشر بعزك ويش هو طلبك
سلحوف : أم سليحف مرضانة وقالو دواها عندك
القرد : أفـــــــــا ويش هو دواها
سلحوف : دواها قليبك ترانا بناخذه منك وتآكله أم سليحف
القرد يفكر( ويش لي بصحبة الخبل هذا ويش يردني للبيت وأنا ما اعرف للسباحة )
بس فطين القرد لا تخافون عليه
القرد : لو علمتني كان اخذت قلبي معي
سلحوف : ليه اجل ماهو بمعك
القرد : لا ماهو بمعي اسرع ردني للبيت اجيبه لك
سلحوف : هيا رجعنا
نزل القرد على الجزيرة وقال لسلحوف : ضف وجهك من عندنا لا اجيب الجماعة يربطونك ولا عاد نشوف أم سليحف ولا عيالك .
سلحو ف : الشردة ياابو سليحف لايقلبونك على ظهرك اشكل من انهم يربطونك......
خلصت وملصت وجت القطيوة.........وش سوت...
نأسف على الاطالة وارجو انها تعجب حبايبنا الصغيرين........
منقووووووووووووول
مايهاب