ماجد المريبيط
سلام الله سلام مايجي في خانة المنقود
سلام مثل نور الشمس ساطع وأتمشابه
أخايلي بروق فالسما لاكن ماش ارعود
وانا عساس واحب المطر واحب سكابه
محمد الهاجري
هلا يامرحبابك في محل اهل الكرم والجود
تراحيبن تكرم لحية الرجال وشنابه
مدام ان البروق تلوح ونته تعرف المقصود
ابو مشعاب لايومي على راسك بمشعابه
ماجدالمريبيط
انا والهاجري والليل حك العودراس العود
مع الطاروق والقيفان خلابه وجدابه
الايافزعة الاسلام الايانصرة المضهود
ترى ماضاع حق وفالعرب ماجودطلابه
محمد الهاجري
تركد والدعاوي كلها تاتي سهود امهود
مدام الهاجري موجوداخد جابه وراى جابه
نخيت الناس ولاسلام لاكن دربها مسدود
عسى الله ينصر اهل الدين والاسلام نسعابه
ماجد المريبيط
انا اقول الدعاوي مانوردها بغير اشهود
شهود الحق لهل الحق قرايه وكتابه
ليا اشتد الزمان وحنت الناقه على المفرود
يموت اشعيل ولهاته مطوحت(ن)على نابه
محمد الهاجري
انا شاعرمع الشعارواعرف كل نقص وزود
ليامن قلت بيتي بان نيشانه ومضرابه
على درب المشاكل ياالمطيري منته بمحدود
مدام السوق والتجار يابن الناس نصابه
ماجد المريبيط
انا ماقول فيك اخلاف لكن الليالي السود
تبيح كل سد وكل عاقل يفقد اعصابه
انا مالي ومال الفتنه اللي بابها مردود
ترى ادياب بن غانم راسم(ن)سيفه على بابه
محمدالهاجري
انا والله لو تاتي مطيراحشود تلو احشو
لاخليهم عشاء للنسر يدمي رؤوس مخلابه
الايابلشة الطارد ولايابلشة المطرود
ابو زيد الهلالي مايعرف السيف ونصابه
ماجدالمريبيط
انا اكفي عن المطران لا هبت هبوب النود
تحاربنا وحنا من زمان(ن)فات حرابه
جملكم ياالهواجر راح بين الملح والبارود
توقع يامحمد لايصيبك مثل ماصابه
محمدالهاجري
نصحتك ياالمطيري مير اضنك شاعرن مقرود
صحيح ان المطيري لاغزى يخون فصحابه
جملنا يورد العد المسمى والعدود اعدواد
لايامنه هدر يامطير كلن يحسب احسابه
ماجدالمريبيط
بعد جيتك تبا تسري وحملك فالظهر مشدود
مطيري(ن)تغدا بك قبل لاانته تعشابه
يقولون العرب لاعود الحاوي على الردود
يروحون الهواجر زربة(ن)في داخل الغابه
محمدالهاجري
مدام ان التيوس الكم من الماضي عليها شهود
الاوحيسفي يا السيف يقطع غمدة اجرابه
ترانا فاالمواقف كلوبنا من عيال العود
خدينا حقنا والطيب سلم عز نرقابة
تقبلوا تحياتي