أحبك والوله فيني يبان في نظرة عيوني
احبك يانظر عيني و أنا لك عاشق وولهان
أنا يا من سكنت قلبي بحبك صرت مجنوني
ألا ياليت تسقيني من أشواق الوله عطشان
كلامك .. رقتك ..طيبتك .. وضحكاتك انسوني
هموما عايشه فيني تعذب قلبي الحيران
ترى بعدك يعذبني يزود فيني طعوني
أنا مو ناقص فراقك بدونك عايش بحرمان
بدونك تكثر جروحي وأنا اسمعهم ينادون
تعالي داوي جروحي تراني من ألبكاء تعبان
ترى مهما جرى منك و مهما زادت ظنوني
أنا باقي معك وافي مدامك ساكن الوجدان
خلاصته كل ماقلته يبان بنظرة عيوني
تقول إني أحبك حيل و لشوفتك ولهان