من رباعيه وواضح ان فيها موضوع ماهو بسيط نبا ننتظر تحليل الاخوان النقاد والمحللين
وانا ابا اعطيكم المحاوره
البيوت بعد الموال قبل كل شطر شيلة صوتيه
يالالي يلا لا لا لا
وأختصار لها شلتها من الكتابه لكن مع اداء البيوت بلحنها لازم من هالشيله الصوتيه
زيد
ياليل ياللي نجومك في مجرتها = والذاهبه من يدورها بديرتها
وعبدالله يقول ماعينت جرتها = والطيبه طيبه من حظ راعيها
زيدوا لنا الصف صفين = ياعزوتي ياحزامي
سوار الذهب
الذاهبه فالمجره كيف تلقاها = دون السماء مايجي ماها ومرعاها
يازيد نادوا هلا التوحيد باسماها = والطيبه طيبه من حظ راعيها
مسجد وكثرة مصلين = يالهفتي ياغرامي
زيد
أنا ليا جت لزومي ماأرتخي زندي = جندت نفسي لكم ياعزوتي جندي
وأن كان ماأحدن سمعنى حلها عندي = والطيبه طيبه من حظ راعيها
يامن يحرر فلسطين = ويجيب راس الحرامي
سوار الذهب
أنا أدري أنك طويل ذراع وسنافي = وغيرك بليا عمامه والقدم حافي
روس المعاسر يجي منها عسل صافي = والطيبه طيبه من حظ راعيها
روح أطلب العلم فالصين = خل الجهل والظلامي
زيد
يامطير ياتاج راسي ياذرى جنبي = والله ماني بعارف ويش هو ذنبي
الناس كلاً معه سكين يطعن بي = والطيبه طيبه من حظ راعيها
أنته تعرف أم ظرفين = فالمبتدا والختامي
سوار الذهب
ياضايق الصدر مادري ضايق الخاطر = الضيف عند العرب معناته الخاطر
لكن لاتنحر المضماه وتخاطر = والطيبه طيبه من حظ راعيها
مانته بخادم حرمين = أنته خطيب وحرامي
زيد
أطلع بها للفضاء مره وخذ كوسه = من يوم غنيت مجروره ومنكوسه
البذنجانه تراها ماأسمها كوسه = والطيبه طيبه من حظ راعيها
دور لها مستحقين = أنا رفيعاً مقامي
سوار الذهب
حنا قمرنا الصناعي جاب لك صوره = ياريس الحزب مادري مجلس الثوره
غيرك رفع جبهته ويمد ناظوره = والطيبه طيبه من حظ راعيها
ياعيد وين الفريقين = أنا أتعبني عظامي
زيد
الله يخليك ليه غير الخطه = الكاتب اللي كتب ماينقري خطه
واللي يبا الشام ماهو جاهلاً خطه = والطيبه طيبه من حظ راعيها
لاتلحق العشر عشرين = أركد وفسر حلامي
سوار الذهب
تغير الحال ياوجدي على حالي = والموت ماهو سوات السكر الحالي
لا واهني الضمير الداله السالي = والطيبه طيبه من حظ راعيها
أنطق بذات النطاقين = لو أنها فالمضامي