البارحه يالرحيمي مع طريق الجنوب=جمعت من ذكرياتي أجمل أيامنا
لوالزمن ماذكرنا ذكرته الدروب= زام الزمان انتهى واللي بقى زامنا
سود الليالي كساها نوربيض القلوب=مهما ابتسمنا نحاول نخفي آلامنا
صحيح حنا بشر تكتب علينا ذنوب=عشْنا على الأرض نتبع آلم اوهامنا
تقبل علينا هموم الوقت من كلِ صوب =حتى تبيّن مواريها على اجسامنا
قلي متى ياوسيع العرف نبغى نتوب= عشان تبقى مبادينا على اسلامنا
تدري متى يستريح البال وقت الغروب= وتبدى حكاية مشاعرنا مع اقلامنا
الوقت دايم يجاملنا لكنه كذوب= لو كان صادق معانا حقق احلامنا
الى هنا والوعد لاجيت خط الجنوب= اسكت وحاول تذكر اجمل ايامنا