المشاركة الأصلية كتبت بواسطة شلاحية مطنوخة

مره أخرى السموحة منكم على التأخير
سيوف يافديتها تأخرت ... وأنا ماودي تزعل علينا الغلا نزووفه

<< ياكثر ماتتعذّرين (:

مسموحة يالغالية , تشرفين بأي وقت .





المرحلة الثانية "




س1/هل تتبعين الموضه اثناء شرائك حتى وإن لم تناسب ذوقك أو الذوق العام ؟
لا والله غالباً يكون آخر إهتمامي الموضة وش هي هالسنه ...
أهم شي يكون اللبس أنيق ويناسبني , وأضمن اني بأكون مرتاحه فيه وواثقه من نفسي ..


س2/هل تحرصين على متابعة أخبار الموضة والأزياء والتجميل سواء عبر التلفاز أو المجلات أو المواقع الإلكترونية؟

والله يالغلا الموضه تفرض نفسها من ناحية المتابعه ...
يعني يمكن أحياناً ماتحرصين وتدورين وش الموضة
لكن بمجرد ماتحضرين عيد وإلا عزيمة بتشوفين الجميع لابسين الموضه السائدة وبتعرفينها من خلالهم ..
لكن ماأكذب عليك يجي فترات لازم تتابعين الموضه وتعرفين وش التطورات ووش الجديد .. خاصة في موسم الإجازات وكثرة العزايم والزواجات وكذا ..


س3/ هل مسألة تنسيق ( الملابس، الحذاء ، الاكسسوارات ، الحقيبه ) من حيث اللون والطراز تهمك يشكل كبير ام لا تهتمي بذلك ؟

حقيقةً هالنقطة تهمني بحسب درجة المناسبة ...
مثلاً إجتماع عادي للأهل والقرابة عادي يمكن يكون التنسيق مو ذاك الأهمية ..
لكن عزيمة كبيرة أو حفلة أو زواج أكيد بأتعب على تنسيق قطع اللبس فيه ..



س4/ما هي صفات المراه العربيه بنظرك؟


المرأة العربية أصيلة جداً ... إلا فيما ندر ..
فكثيراتٌ هُن النساء الصابرات خلف أسوار البيوت على غُصص وقصص الله بها عليم ...
أم حنونة ومعطاءه .. وزوجة وفية ..إلا فيما ندر ..
و هنا أيضاً المرأه العربية رسمت أجمل الصور في عطاءها كأم ووفاءها كزوجة ..
والقصص الشاهده من حولنا كثيرة ...
وهكذا وجدنا أمهاتنا وجداتنا وبعض قصص الماجدات العربيات ..

أيضاً المرأة العربية تُجيد جيداً فن التضحية ..
ولاتتقن الأنانية إلا فيما ندر أيضاً ..
وكم من صابره لأجل أطفالها على زوجٍ غير كفؤ أخلاقياً
أو عقيم أو سقيم عقل أو صحة ..
تُغلق على أسرار بيتها الأقفال ..
تماماً مثلما لاتنسى أن تُغلق دونها ودون فلذات كبدها الأبواب ..

.



س5/يتضجر آدم منمسألة شراء حواء لكل مناسبة زي جديد .. كيف تردين عليه؟

لو لم تكن أنت يا آدم .. لم تكن حواء لتشتري كل جديد ..
طبعاً بتقولون لا حواء تشتري عشان يشوفونه عليها فلانه وعلانه ..
أقولكم ايه صحيح ... لكن وش الفايدة إذا شافن كشختها فلانه وعلانه .؟
أقولكم بيقولون في قرارة أنفسهم ( يابختها أبو العيال مدللها )
إذن الدائرة إستدارت ورجعت للزوج وتم مدحُه مِن قِبل كل مَن رأت وأُعجبت بكشخة زوجته ...
<< لاعمرك تحاولين تقنعين أحد (:

ههههههه والله بيقتنعون بكلامك دام المسألة فيها مدح لهم ويمكن يشترون لها فستانين للمناسبة الوحدة ..

رأيك سديد ..



س6/ عند الشراء تعتمدين على الديزاين مهما كان السعر ؟
( يعني قطعة اعجبتك بس سعرها مبالغ فيه هل تاخذينها ؟ او تقولين ماتستاهل وتاخذين شي سعره أقل؟)

لا بصراحه أنا من النوع اللي أتوقف عند نقطة السعر كثير ..
حتى لو كنت مُقتدره الحمدلله
بس برضو هالمال ماجا بسهولة ..
لذلك يجب أن نصونه .. فالله عز وجل بيسألنا عنه ..
والغالي ممكن نشتريه مره بالسنه مثلاً .. لكن مو دايم ..
وبرضو هي تظل مجرد ملابس وكماليات .. أستطيع التعوّيض عن الغالي بشيء أقل سعراً ..
وليست مستلزمات هامة مثل الأدوية والعلاج مثلاً التي لا يستخسر الشخص فيها أي ثمن ..




س7/أغلى قطعة ملبسية موجودة لديك . ماهي وكم سعرها ؟

فستان زواج سعره 1850 ..
بس أعلمك حللت سعره تحليييييل (:

يالمجرمة والله لو إنه قسط سيارة .. هههههههه
بس الحمد لله فلوسه ماراحت خسارة دامك كديتيه بما فيه الكفاية ..



س8/ بماذا تنصحين حواء عند تبضعها؟
كل حواء بطبعها تحب الزين والتزيّن ...
لذلك لاتحرمي نفسك ودلعيها لكن بنفس الوقت تذكري إنك قد لاتجدين هذا المال غداً ..
فأعملي حساب لليوم الأسود ...
الله يبعده عنا جميعاً ..