هذا القاف ضمن محاورات حفلة الخميس الماضي 28/10/1431هـ بقصر الرشيد بمكة

واحياها الشعراء رشيد الزلامي و عبدالله الميزاني وعبدالحميد الفهمي

وفي هذا القاف طلب الشاعر عبدالله الميزاني منازلة الشاعر رشيد الزلامي

لكن الزلامي امتنع وطلب من الشاعر عبدالحميد الفهمي الرد على الميزاني

واليكم المحاوره :


عبدالله الميزاني

رشيد ابن الزلامي فيه من بعض العلوم اعلوم = ومن لاقد درى يدري وطلع العود من لونه

من اول تحسبنك مايحول من سماك انجوم = تشوف اللي لنا واللي عليكم ماتشوفونه

عبدالحميد الفهمي

رشيد ابن الزلامي لو تريح مايجيه اللوم = تخالف ياعميل الخير قانونك وقانونه

ترى مافيه شي يخفى ترى مافيه شي يدوم = ترى دنياك مجنونه ترى دنياك ملعونه


عبدالله الميزاني

ابوك وجدك الله يرحمه ظلا ماغير يحوم = ليا منه بغاله شي قام وطاح من دونه

لكن من الفروض الخمس فرض وفرض غير الصوم = ياراعي الموتر اللي نكبته لفت دركسونه


عبدالحميد الفهمي

ابوي وجدي الله يرحمه كانو خيار القوم = وجدانك وش العلم الذي كانو يجيدونه

لكنك ما انت رب المودماني ياحبيب النوم = ابو غازي حبيب النوم كان الله في عونه


عبدالله الميزاني

ياوجه الله ثلاثه واربعه منكم عرب بهدوم = شواوي كل ماشافو لهم جحراً يحفرونه

ابا سوي وساطة خير بين السجن والمظلوم = ترى راعي الكثير يعاف من راعي البليونه


عبدالحميد الفهمي

بشر تبحث عن البشرى واحد معطى واحد محروم = ياوجه الله وش هذا الكلام اللي تقولونه

انا ما غرني تمثيل بيومي ولد بيوم = تبلتنا واثرها ياعميل الخير بالونه


عبدالله الميزاني

ترى الطرقه بعيده وانت مثل الساري المنجوم= نمشي حال ماشي الحال جمهوره يحبونه