المشاركة الأصلية كتبت بواسطة شلاحية مطنوخة

المرحلة الرابعة "


س1/ وجبتك المفضلة؟
أعشق الصواني بشكل عام .. سواء صواني مكرونه أودجاج , أو خضار ,
برضو الكبسة السعودية لا يُعلى عليهاااا , الله يديم النعمة ويبارك فيها ..


س2/ حادث صار لك بالمطبخ لا سمح الله ؟

حادث شنيع ماحصل ولله الحمد ..
لكن الحوادث البسيطة يا كثرها ..
ماعمري دخلت للمطبخ متحمسة إلا أطلع بـ كوية وإلا كويتين بإيدي (:

س3/طبق تحبين تسوينه كثير؟
صينية مكرونه ودجاج .. والحلو بالموضوع إني كل مره أسويها بشكل غير << تحب تخترع (:


س4/متى تعلمتي الطبخ ؟
نزوووف بأقولك سر أنا أمي كارفتني من يوم اني برابع إبتدائي .

سيم سيم انا ..تقريبا من قبل أدرس وانا في المطبخ أشوف أمي كيف تشتغل وأحيانا أساعدها .. إلى أن جاء العمل الرسمي وانا بثالث ابتدائي .
.
طبعاً تحتاجني لأني أكبر خواتي .. وماعندها غيري ..
وأول طبق عرفت اسويه كان " رز أبو لبن " <<< لاتعبتي (:


س5/ موقف طريف صار معاك في المطبخ؟
امم والله ناسية .. لكن أكثر موقف يحصل لي لما أكون مستعجله هي إني
بعد ماأسوي الشاهي والقهوة وقبل أزلها في الترامس
أعكس وأصب الشاهي على الهيل بالترمس (: << ماعمركم جربتوا شاهي بالهيل (:


يالله عليك شلاحية .. إنتي مثلي !! دايم تصير لي هالحركة .. قمة الإحراج من الأهل .


س6/ هل يعتمد عليك في إدارة المنزل بشكل عام عند غياب الأم ؟
كثير ... الحمدلله ..
للأسف إننا مالحقنا على رفاهية بعض بنوتات هاليومين (:

س7/ يعتمد عليك في الطبخ خاصة أولا ؟
أكيد .. خاصه اني كنت ربة بيت في فترة من فترات حياتي ..

س8/ اول كتاب طبخ او برنامج أو موقع اعتمدتي عليه في الطبخ ؟
ماغيره .. كتاب أطباق النخبة للكاتبة أمل الجهيمي ...


س9/ تحبين أحد يساعدك في شغل المطبخ ؟ او تحبي تكوني لوحدك ؟
الصراحة .. أرتبك كثير وأتوتر
وماأعرف أسوي شي لما يكون معي أحد ..
لذلك أحب أكون لوحدي .. بس لا جت المواعين بأطلع وأخليهم وحدهم (:

احس إنا نتوافق في كثير من الاشياء ..

ما احب أحد يدخل معي .. يشوش علي ما اعرف اشتغل ..


س10/ هل تتقنين جميع أشغال المنزل ( نظافة غسيل طبخ )؟
للأسف ايه هههههه



س11/ نظامك في عمل المنزل؟ (يعني الطبخ عليك والمواعين على غيرك ,أو يوم شغل المطبخ عليك وشغل البيت الثاني على غيرك .....؟ ) ولا الله يخلي لكم الشغالة
لا للأسف ابوي الله يطول في عمره مايعترف بشي اسمه شغاله ..
مره إستأجرنا شغاله بنظام الساعات .. زعل ومشاها ..
الأكيد ان نظامنا أنا علي الفطور وقهوة الوالد يومياً .. وخواتي عليهن المواعين بالتناوب ..
والوالده الغداء .. والعشا حظ ونصيب (:


س12/ هل تعتقدين أنك ستكوني ربة منزل ناجحة ؟
ممكن .. العلم عند الله ..

س13/ إتقان الفتاة لأعمال المنزل هل تعتقدين أنهذا شرط ضروري في نجاح الزواج او فشله ؟
اكيد ضروري .. مافيها شك ...


س14/ نصيحة تقدميها لبنات حواء بشأن هذا الموضوع ؟ (اللي بعضهن الظاهر ماتدل مكان المطبخ بالبيت )
انتي الآن في بيت العائلة مخدومة ومدللـه
لكن بيجي يوم وتنحاسين .. إتقي شر هذا اليوم .. وإعملي له ...

س15/ طبق تقدمينه لأعضاء منتديات الموازين؟ ( ياحبذا لو يطرح في منتدى المطبخ ويوضع رابطه هنا )
تآمرين أمر يالغلا .. وهذا طبق سابق لي في المنتدى ..
وبإذن الله القادم يكون أجمل ..

http://almouazeen.com/showthread.php?t=34013