هكذا ينبغي ان يكون الشعر الحقيقي يعالج قضايا الامه والمجتمع
وقعت بين يدي قصيده رائغه رائعه رائعه لشاعر مجهول لـــــم
نستطع الوصول الى هويته لكنه ابدع ايما ابداع ليت اغلب
شعراء الساحه يكونون على هذا المنوال
القصيده
امانـه يابلديـة عفيـف تريـحَـون الـبـال = نبا الخط الشمالي من عفيـف يصيـر ردميـه
طلع دوارنا الشرقي بعـد مـا شلتـوا التمثـال = طلـع ضيـق مسـاره مثـل دوار البجـاديـه
تعودنا على ضرب الكفر وسط الحفـر مـوال = ركـب ومساعـدات وكـل يـومٍ فالصناعيـه
ليا من المطر جا والشوارع تصطفـق للجـال = ترى طيحتـك فادنـى حفـرةٍ فيهـا طبيعيـه
يازين المدخل الشرقي ليا مريـت بـه تهتـال = رصيف مصطحاتٍ خضـر وانـواراً خياليـه
ليا جيت الاشاره ديور ادخـل شـارع العمـال = على هونـك لاتسـرع وامـش شويـه شويـه
تا تلقى شـارعٍ ميـت تقـول مدمـره زلـزال = تقـول مدمـره زلــزال والـغـامٍ نـوويـه
تروح ايمين والاشرق والاغـرب والا شمـال = تشوف الوضع نفس الوضع ما غيُـر ولاشيـه
وروح المدخل الغربي وشوف الحال يرثي الحال = حفر صبات تحويلـه بـدون انـوار ضوئيـه
طلع ماهوب قار اللي تصبونه طلـع صلصـال = ماهو معقول كـل شـوي يطلـع فيـه حفريـه
انا بسال سوال ومن يجاوبنـي علـى السـوال = بلديـة عفيـف اللـي علـى الشـارع حقيقيـه
رساله عن طريق المنتدى والا علـى الجـوال = ويقراهـا المواطـن والمواطـن لـه احقـيـه
ابرسلها على المسئول تبقى جـاري الارسـال = تعلـق قيـد للتسلـيـم والـعـلات مخفـيـه