تنسيق المحاورة
المحاورة بتاريخ 18/11/1431هـ
ماجد محمد القحم
يامرحباً ترحيبتٍ تاخذ من السلم السلوم=وهل العوايد والسلوم بسلمها وسلامها
علي يبا البيت الحرام ان راح ماهو بمحروم=بعض العرب تتطاف في مكه بغير احرامها
علي حميدان الدجيماء
دام البقا ياللي ترحب في يانجم النجوم=من شاعرن ماينقل البندق بدون احزامها
يابو محمد خاوني ولا تريح ومخدوم=وانا لاشفت الناس صامت ماجرحت اصيامها
ماجد محمد القحم
الله يبارك فيك من قوم يسدون اللزوم=والناس هذا العام جات بعام ماهو عامها
ابضاعة أم الدوم عيت في ديرها لاتدوم=لاكن شد شداد ريمه ثم فك خطامها
علي حميدان الدجيماء
وانتم تراكم ماعليكم زود قدام الخصوم=والله يعز الدوله اللي شعبها حكامها
لاكن حنا ماتعودنا على حب الخشوم=الا ليامنا فركناها يروح اعرامها
ماجد محمد القحم
الحوم من فوق العضام ولاتذوب الا الشحوم=ونته مزايملك عرب في خبزها ويدامها
اليا تجمعنا ورحنا كل ليل وكل يوم=نترك جنوب الدار لاذكر الحيا في شامها
علي حميدان الدجيماء
اليا بغينا نشتري ونبيع فالسوق ونسوم=عقلي معي والبايره ترجع على اللي سامها
اشوف في صدرك اعلوم ودك اتحصل اعلوم=والناس غرتها هقاويها وكبر اجسامها
ماجد محمد القحم
ابنشدك عقب رمضان الناس غيره وش تصوم=والي تحلم فالمنام الله يغش احلامها
البيت يبناله على سيسان ماهو بمهدوم=والبدو ترج الخير جاها القشع شال خيامها
علي حميدان الدجيماء
اتصوم ناس(ن)تحتسب للاجر ولا انت امحروم=تبا تعشا والذبيحه مابقى الا عظامها
ياكثر ناسن كل مانامت تعيي لاتقوم=لو المدافع خلفها والمقبره قدامها
ماجد محمد القحم
الدايم الله ماحدٍ غير الله الدايم يدوم=وش فايدة شعب العراقق ليابكة صدامها
انا اعرفك جندي تحراء الحرب من شان الهجوم=ونتم مقاديم السعد قوم ترز اعلامها