محاورة رائعة جداً .
هذه المحاورة وربما لي عودة لتفصيلها , أو على الأقل القاء ضوء على بعض الروائع فيها .
حبيب
سلامي سلام فيه معنى وابا معناه **على الشاعر اللي جرته تدفن الجرة
يقولون عبدالله على شان ذاك وذاه **يجيب الحصا في نجد من حرة الحرة
عبدالله
هلا مرحبا ليلك سحاب اوله واتلاه **يحول برد في مرات ويسيّل البرة
يقولون شركة بين الاقدام والجمهاه **وانا ماعليّ من العوازم ولا المرة
حبيب
وصلك السحاب اللي يسابق بروقه ماه **ويعطيك من خيره ويكفيك من شره
ابو زيد رمحه فاللقاء خادمٍ شلفاه **وحظه بنا له بيت مع عالم الذرة
عبدالله
حبيب ولد لكن ويش اضحكه وابكاه **يجوز السبب صياف ومحمد الدره
هذا العازمي ياطول صبره على ماجاه **عيونه صغار ويقطع الحبل ويجره
حبيب
حبيب ماخلاّ له حسوفه على دنياه **وعبدالله اللي شاب والكبد محتره
هذا اللي يبا يداوي ضرير العرب واعماه **عيونه كبار وساع والكحل ماذره
عبدالله
على ماتبا ياحلو ياللي قليل حلاه **يحاول سنين يحط في ظلم مغتره
ربط محزمه واشتال حمله ولاوطّاه **على جرته نسمع عتيبه لهم صره
حبيب
بعد راعي المقضاه قفل على المقضاه **تحفّر قبور الناس وتدور الصره
هذا شاعر مطيري وأنا احرص على شرواه **ولو اكثر المطران فالرجل منغره
عبدالله
والا يابراد الما دخيلك عليّ حماه **عليه اربعين من المظلات منشرّه
انا ماوردت العد حتى تفيّح ماه **ولو ارده مره تساوي ميه مره
حبيب
تنادي ملوك الجن والجن قالوا هاه **وخطتك مكشوفه ونيتك مفتره