شاعر يهيجن يوم عدى الرقيبه=من لا بة أهل العشر والجد ضيدان
من واصل اللي ماتعرف الغليبه=والمعجزات شهود واعز برهان
اللياء قنب للفخر بمطير ذيبه=شاش وتلبس عقل جزلاته جنان
وان ساق ساق لمن يهابه حريبه=ابن الدويش الفيصلي عالي الشان
عبدالله اللي مطير تفخر بطيبه=من الساحل الغربي ليا قصر دسمان
المبعده هي منوته للقريبه=تملى ونعم لا حل طاريه الاذان
ريف الرفيق الااا .. دواه وطبيبه=محبته تنعد من ضمن الايمان
من دوننا ينطح لحاله كتيبه=ويسوق روحه دون ربعه بلا عنان
عيبه يحب مطير ذا بس عيبه=لا مدور(ن)شهره ولا هو بطمعان
ولا حدٍ بمستغرب ولا هي غريبه=ويش الغريب حصان لا نجب حصان
سليل ماجد والذياب المليبه=عزيز وفيصل مذاخير سلطان
شيوخنا وقت السنين العصيبه=تاجٍ على هاماتنا عبر الازمان
ارماحنا اللي بالملاقى عطيبه=دروعنا نهار روغات الاذهان
مالاذنا بعد الله ونلتجي به=وكلٍ يقف حده الى قيل دوشان
إلهم صداره بالعصور الرهيبه=وخذو صداره يومها امن وامان