منتديات الموازين الرسميه - عرض مشاركة واحدة - يوم ابن عمك يفك عقالها ليه تعقلها ( سوار الذهب يناقش الشيب عن تركي في شاعر المليون )

غير متواجد حالياً

يعطيك العافية آخوي سالم رباح
على هذا النقل المميز
ولكن إسمح لي أن أكمل بعض الكلمات المتبقيه
ضمن هذه المحاورة الشيّقه

سوار الذهب :

مكة اللي مايعرف شعابها أحد(ن)غير اهلها = فيه واحد من حرم مكه وقنصل فالمدينه
كل نفساً ماتجازى في عمل ماهو عملها =والشبه فهذيل والا نوح والا فالسفينه

الشيب :

مكه اللي مايعرف دروبها يصدم جبلها = والمدينه دونها حراس وحصوناً حصينه
كم غبي(ن)يعترض في سكه العالم واكلها = والشجيع اللي يقابلكم عسى ربي يعينه

سوار الذهب :

لاتدور لك على حملة غضب ماتحتملها = وأكثر العربان يمكن مادعوا له والدينه
يوم ابن عمك يفك عقالها ليه تعقلها = صرت مثل اللي ليا وجع الجمل يكوي سنينه

الشيب :

مايونخ للحمول الكايدات الا جملها = والبلا في سيرها المبروم والا فالمكينه
لوتغاضانا عن الموضوع طقت من زعلها = مايصح العلم لي انه يسند من جهينه

سوار الذهب :

والله انا مانباها يمكم يدرج عجلها = مير اثركم كلبوكم سكن مافيكم سكينه
واحداً يمناه عشر سنين ماداوى شللها = مايشوف من التراب الا بليه كبر عينه

الشيب :

راية التوحيد يوم الفتح قل لي من حملها = ياابن غازي قبل ننشد كل علم(ن) خابرينه
انت لك شرهه كبيره مير ابن عمك دبلها = لين راحت كبر ضلع طويق والعالم فطينه

سوار الذهب :

مالعب في روس ميمون الحشام الا جهلها = اثر بعض من البلاوي فالعرب مثل القرينه
انت تبغى لك عسل والمعسله طيّر نحلها = وأنت حظك لو غطاه الحب مكسوراً جرينه

الشيب :

الجهل خلا ديرنا سالمه ما أحداً نزلها = ودي أضحّك وجيه القوم والعالم حزينه
اللسان حصان والا الرجل مدموحاً زللها = وانت عارف سايق القلاب وش بيني وبينه

سوار الذهب :

الخطيه كنها واللي ماهي مزراه قلها = يمكن أنك تعرف الطايف وضيعت اخشبينه
لاتخلينا نجيب العوج فوقك ونعدلها = حسب مااسمع عنك هرشاً يصحي النايم حنينه

الشيب :

عملة الصراف الأولى ليه مادوّر بدلها = علّمه ياخذ بدلها حاجه الله لايهينه
من فتلها من نقضها من نقضها من فتلها = حسب مااسمع عنك عوداً يزعج العالم ونينه

سوار الذهب :

يابدر يمناك لاتاكل بها قبل تغسلها = قالوا العريّف قولة : ( أح ) شئ من الغبينه
مايعذرب فالعيون الناعسات الا حولها = بس انا تتعبني الايام وانت ثقيل طينه

الشيب :

انت صادوك النشاما وانت صيدتك تختلها = اغتنم نفسك يابن غازي قبل توخذ رهينه
العيون الناعسات اشره على اللي ماكحلها = وانت وافي مير شيخ الترك من يفهم رطينه

سوار الذهب :

كل نفساً مايسجل موتها قدّام اجلها = واهنيك في بيوت مسترّه وايدين امينه [/QUOTE]