بسم الله الرحمن الرحيم
المرحلة الأولى "
س1/ عرفينا على نفسك بشكل عام ؟
إنسانة هادية و بسيطة ومتواضعة الحساسية والطيبة زايدة فيني شوية حبتين
.. باختصار نزف المشاعر اسم ع مسمى ..
س2/ ذكرياتك في اول يوم دراسي ؟
كان يوم حلو وفلة ووناسة .. بتستغربون ليش ؟!!
لان السنة اللي قبل ادخل انا فيها المدرسة كانت أختي داخلة وطبعا امي تروح معها وانا أروح معهم " لأني صغيرة آن ذاك ومايصير امي تخليني في البيت لحالي "
اختي كانت تبكي شوي وتموت من البكي .. وانا مع امي اتفرج عليها واضحك ..
عاد اختي ما كملت فصلت من المدرسة .. والسنة اللي بعدها دخلنا جميع .. والحمد لله مابكيت لأنه سبق لي وان تعرفت على المدرسة .. والمشكلة اختي كانت تبكي !!!!!
س3/ جميعنا مر بمرحلة المراهقة , ماذا تعني لك هذي الفترة؟
امممممم صراااحة والله أحس إني ماراهقت .. حياتي كلها طبيعية ..
شكل مراهقتي بتكون متاخرة الله يكفينا
الشر هههههههههههه
س4/ عمرتودين لو يرجع بك الزمن إليه ؟ أو يتوقف عنده ؟
العمر ودي والله ارجع للطفولة .
والزمن ودي اعيش ايام ماكانت الدرعية القديمة .. ودي اعيش الزمن ذاك الوقت صراحة .
س5/( حب البنت للكورة يخلي النفس مقهورة )
*رأيك بهذه المقولة ؟
قبل ممكن .. اما الحين عادي لاقهر ولا شي ..
*وهل متابعة الكرة وتشجيعها يقتصر على الشباب ؟
لا .. الحين الشباب والبنات يتابعونها .. بعكس السابق كان عيب على البنت تشوف مباريات وحتى عيب تشوف التلفزيون ..
الحين الوضع تغير صار كل شي عاااااااادي ..
* والأهم هل انتي من متابعي ومشجعي الكرة ؟ وش فريقك ؟ ( خربتها البنت هههههه )
صراحة من طلعت ع الدنيا والكورة ما احبها ولا لي أي علاقة فيها لا من قريب ولا بعيد ..
لكن قبل كم شهر سبحان مغير الأحوال .. تعصبت وبقوة لنادي الهلال ههههههههه
أيام ماكانت المبارة بينهم وبين الاتحاد ع ما أعتقد ..
وسبب التعصب المفاجئ عناد في صديقتي ..
صارت بيننا سالفة هي التي أدت بي إلى هذا ..
اما المباريات ما اتابعها .. بس إذا خلصت اشوف النتيجة عشان اقهر صديقتي اذا فزنا ههههههههه ..
*صديقات تهاوشوا والسبب إن كل وحده متعصبة لفريق .
* فاز الليلة الهلال بكرة المدرسة او الجامعة انقلبت استاد الملك فهد مانشوف إلا أبيض وأزرق
البنات لابسين لون الفريق والمصيبة إذا علقن صورة اللاعب الفلاني .
* خوات أو اخوان تهاوشوا والسبب إن واحد بيتابع مباراة والثاني سبب له إزعاج او غير القناة .
مشاهد كثيرة واقعة وشاهدناها بام اعيننا . رأيك حول هذا ؟
هذي مشاهد واقعية وكلها مرت علي ..
رأيي بصراحة أن هذا غلط .. مايصير اخوان يتهاوشون ولا صديقات يتزاعلون عشان كورة ..
المفروض تكون روحهم رياضية ويرضون بالنتيجة .. التعصب باخلاق .
وبالنسبة للبنات في الجامعات والمدارس ..
أقول لهم شجعوا بكيفكم .. بس مو بهذي الطريقة .. هذي اماكن طلب علم ولها حرمتها ..
س6/الإعجاب وما أدراك ما الإعجاب .
* بنظرك : ماهو تعريفك للإعجاب ؟
هو الإنجذاب لشخص آخر ..
* ما اسبابه ؟
أولا ضعف الوازع الديني ..
والفراغ العاطفي .
وقد يكون تقليد .
وقد يكون بلاء من رب العالمين ..
* أنواعه , إذا ترين ان له انواع ؟
برأيي ..
1/ الإعجاب اللي هو الشذوذ ..مثلا البنات اللي يحبون البويات ..او البوية تحب بنت ..
" والله العظيم يقهروني إذا شفتهم يمشون مع بعض .. كل وحدة مستحية من الثانية والوجه احمر وحالتهن حالة ياربي لك الحمد .. ولا المصيبة إذا لبستّها الدبلة ع قولتهم .. شي يقهر ويجيب الضغط والسكر من صدقهن اللي يسونّه ؟!!!!
2/ إعجاب طبيعي . مثلا اعجب بشخص لدينه واخلاقه أو تفكيره .. أو شخص مشهور كشاعر منشد كاتب .......
3 / إعجاب كلام فاضي .. مثلا البنات اللي يحبون بنت عشان جمالها ولا كشختها ورزتها ولا لانها بنت المديرة ولا بنت المسؤول الفلاني ... ياربي لك الحمد بس ..
* بصراحة . هل وقعتي في الإعجاب ؟
صراحة اعجاب من النوع الثاني كما ذكرت سالفا .. واعتقد جميعكم مثلي .. ما احد ينكر .
أم كنتي ضحية ؟ أي ان اخرى هي التي أعجبت بك !!
ضحية وبس !!!!!
ياالله عليهن .. أيام ماكنت بالثانوية .. وايام التطبيق الميداني ..
ناشبات لي نشبة بكل مكان .. أقول الظاهر لو افتح شنطتي بتطلع لي وحدة منهن هههههههههههههه ..
أذكر لكم موقف الييييييييم ..
كانت عندي حصة عند اول متوسط , واثناء ماكنت اشرح والبنات متفاعلين وإذا بفتاة تأتي من اخر الفصل ومعها ورقة " يوم شفتها قلت يمكن عندها سؤال في الدرس او شي مافهمته وتبيني اعيد شرحه ومستحية تقوله قدام البنات "
يوم فتحت الورقة وإذا بالكارثة .. البنت ذابحها الحب ههههههههههههه والله كلام استحيت اقراه ..
ماتتصورون كيف كانت حالتي .. ضربت فيوزاتي وطلعت وخليتهم ماكملت الدرس ..
( إذا عصبت وارتفع ضغطي ما اتحمل .. القولون العصبي مايقصر فيني )
جتني المديرة والمعلمات يترجوني أرجع لهم .. رفضت قلت ربوا بناتكم بالأول بعدين أفكر أرجع ولا لا ..
صحيح تصرفي كان خاطئ وردي عليهم قاسي .. بس وقتها ماقدرت اتحمل .
عاد أبشركم اليوم الثاني جيتهم وعطيتهم الواجب ههههههههه .
* كيف نحد منه ؟
اتوقع المحاضرات في المدارس والجامعات تجيب نتائج افضل .. لان في الثانوية القيت محاضرة والحمد لله جابت نتيجة البنات ربي هداهم وخلوني في حالي ..
وأيضا الفصل من المدرسة لان فيه بنات معجبات فصلوهم كم يوم من المدرسة وبعدين رجعوا وصاروا يمشون ع الصراط المستقيم ..
والأهم اشغال النفس بالطاعة وذكر الله ..
س7/التشقير والنمص والتاتوه أشياء باتت ضرورية عند اغلب النساء وكأنها لاتدري ما حكمها او عقوبتها , *هل ترين انها ضرورية ؟ *
لا والله مو ضرورية ..
التشقير صحيح انه يجمل بس ارفضه وبشدة ..
والنمص والتاتوه مافيها كلام .. حراااام
وهل سبق وان قمتي بتشقير حواجبك ؟ بصراحة . إذا نعم ,هل توعدينا بتركه ؟
لا الحمد لله ..
س8/ نصيحة توجهيها لحواء بشان ماسبق ؟
عليك بمراقبة الله قبل عمل كل شي ..
انتظروني ~