أسم المنتدى واضح في ثنايا المحاورة .
وكذلك توضيح جنس الكاتبه واضح وأترك الاشارة له لفهمكم ومن الذي قال ذلك فربما يكون حبيّب يعرف شئ عن الكاتبه , وهي كاتبة كانت تهاجم الشعراء البارزين بل وصل الأمر للتحريض عليهم ولا أعلم سر هذا الحقد فربما يكون هناك سر تخفيه هذه الكاتبة !!!
( في محل عتيبه الهيلا ) .
( سجلوها واكتبوها ماقروها ) ,
وردود رائعة من ابو فيبصل :
علموا عبدالرضا يطوي شريطه
كذلك قول حبيب :
الاجابة عندنا حاشا وكلاّ
حوش الغنم أي لمها , وكذلك الرعي فالكلاً والعشب أي أنهم بهائم ماينشره عليهم .
أشياء كثيرة وردت في هذه المحاورة , أتركها لفهمكم , وهي من محاورة رباعية أقيمت قبل مايقارب أربعة أشهر .
سوار الذهب :
سامعٍ لي علم وأنا ماعليّه = من حدى اللي فيه دقة حنشليه
في محل عتيبه الهيلا سويه = والعمار تبيد والباقي على الله
ربعنا الروقه ماعاد الا منلا = سجلوها واكتبوها ماقروها
حبيّب :
سامعٍ لك علم والدعوى بسيطه = نقطة ٍ من حبر في حيد الخريطه
علموا عبد الرضا يطوي شريطه = والعمار تبيد والباقي على الله
والاجابه عندنا حاشا وكلاّ = والسويه سلم ساير وأقبلوها
سوار الذهب :
كيف أنا أدخل بيت ابي سفيان ماأمن = والمعادن خارجه والبعض كامن
بين عجلات التسارع والتزامن = والعمار تبيد والباقي على الله
لانشب النار وعيونك تحلا = دوروها فالشوارع والحقوها
حبيّب :
الرصاص يطيش والطايش يصيبه = وأنت ضيف وجيت في حلة عتيبه
والخطا من لاخطا وش تدعي به = والعمار تبيد والباقي على الله
لايطول الليل والقلب يتدلا = وأمنعوها لين نسري وأكفلوها
سوار الذهب :
كيف أخاف عتيبه الهيلا ورايه = الدعاه اللي لهم نص الدعايه
مستوى غيري ولاهو مستوايه = والعمار تبيد والباقي على الله
وأعرف أنك حلو لاداعي تحلا = وأكشفوا عن بطنها ثم أسحبوها
حبّيب :
وأنت صادق قدمك عتيبه رواسي = لاتشيل الزل وتشيل الكراسي
كان راسك ماصحى صحيت راسي = والعمار تبيد والباقي على الله
ظل بين أثنين والدربيل ظلا = قلت هذا قال هذا قال أخوها
سوار الذهب :
العلوم الطيبه فيها مزايا = حسب ماأسمع نصكم باقي عرايا
وأنت لن كذبت ناظر فالمرايا = والعمار تبيد والباقي على الله
كيف تصبح واليه وأنته تولا = وأربعين وحمّلوها ماعطوها