الله اكبر ياديارن مابها غيـر المجاعـه=يلفي الطرقي بها جوعان ويعود بجوعـه
والمساجد عندهم مابه إمامـن للجماعـه=وان تقدم واحدن ضيع سجوده من ركوعه

الله اكبر مارجينا من هواجيسك طماعـه=ونت بسمٍ لنت ابن غانم ولنته من ربوعه
كل واحد حسب طبعه جاء يترجم بنطباعه=والمصلي فالصلاه بيعلن لربه خضوعـه

ياعسى ماجد شجيع ويملك اسلوب الشجاعه = مايسوي مثل من ضيع ثلوثه في ربوعه
جيتكم في سوقكم تاجر وروج لي بضاعه = مار برجع ماشريت وبعت لي نفسن قنوعه

لو عرفت الوادي الاقصى تباء تعرف سباعه=وانت لو ضيعت قلة الدرب صعبٍ لك طلوعه
جيتنا وبضاعتـك فيهـا الثنيـه والرباعـه=والجميح ان كان تعرف سلعته تعرف فروعه

اوديتكم ممحله وبطونها صفصاف قاعه = واليتيم اليا بكا من عادتي ممسح دموعه
انت راع المركب اللي قام يوميبه شراعه = ثارت الامواج واتعبك بنزوله مع طلوعه

لو ابو هاجوس يعرف كان يكشفلي قناعه=كان يبقاء الليل ساري ثم نشعله شموعه
مير اضنه ترتفع رجلاه وينزل خناعـه=عقب هاذي لو ابا اناديه مايرخي سموعه

الحقيقه لو نشيع بطن ماجد بالاشاعه = كان نعرف بالاشاعه وش قهوته وش قدوعه
يحسب ان الناس مثل لنسدح رفع كراعه = طالت ارجول الولد والمشكله من قصر بوعه