( تابع ) تغطية الحلقة الثالثة








تحصل على المركز الأول الشاعر عبدالعزيز المرشدي وهو شاعر له حضور اعلامي وله تواجد جيد في الساحة الشعرية



يتكلم في قصيدته الرمزية عن ( الحر الفلاحي ) ويقصد به الشعر الذي تولجه الهواة بدون أي مؤهلات توصلهم لإحتراف الصقاره وبمعنى آخر الشعر , وأن هذا الطير الحر ظلم وأصبح في حالة يرثى له .


وفي استحدام لفظ الطير الفلاحي أيضاً رمزية أخرى رائعة ربما لبرنامج شاعر المليون وأنه من أكبر الأسباب التي أدت لكثرة الشعراء بحث عن المادة حتى أصبح الكثير يريد أن يصبح شاعر وبدون أي خبرة أو موهبة فطرية أو تمرس أو تتلمذ على ايدي شعراء بارزين بل يقول كلمتين على قافية ووزن فقط وحتى في كثير من الأحيان بدون وزن .






هذه القصيدة الجيدة في رمزيتها عن الحر ( الشعر ) ,




هجوس الشعر هاضت والهموم المتعبات تصوك = ترازم لي مطايا الحزن عيّن لايخلني
بصدر ( ن ) من ليال ( ن ) فايته ماقلت له مبروك = تعاقب به هواجيس( ن ) عن الراحه يحسني
وأنا ماحدني للشعر وأتعب ريشتي والبوك = يكود الجمره اللي ولّعت لين احرقت بني
تهيضت وتحيزمت ووطيت الشجره أم الشوك = ونويت احرق بقايا الصبر لين أعبّره عني
وأنا ماني وكيل آدم ولا عندي بالأرض صكوك = لكن الحق عكس الظلم وتعرفون لامني
كتبت بصفحة التاريخ وحمول الجمال بروك = وذكرت القصه اللي تتعب السرحان والجني
عتب مادري تعب بس الأكيد أن الخطأ مشروك = وأنا شفت اختلاف الوقت واضح لو صغر سني
عسى حر( ن ) فلاحي ( ن ) ورى شبك الجهل مشبوك = يشوف النور عقب البرقع اللي يخلف الظني
بعد ماصار منقاره من أهل التايعه مفروك = إمن اللي مايعرفون البحر والحبل متثني
يضيع العلم والمعنى خلي والكاينات إركوك = صور فيها الملامح باهته والكف متحني
والا ياعزتي لك يالفلاحي دامهم غثوك = وصادوك بشبك في غفلتك والحظ متدني
تبادلك الحراميه ورا باب الرجاء المصكوك = لو أنك من ظروفك للزمان الماضي تحني
صحيح أن فيه صقاره لهم بيت الشرف محبوك = ولا أهظم دورهم باقي لكن نجر الزمن دني
عسى صبح الفرج يشرق ويترك قلبي الداكوك = ويرتاح الضمير من الهموم اللي يخاوني
ويرجع يالفلاحي عهدك الماضي بدون شكوك = وأنا كل الأمور الي تعلق بك يهمني