بسم الله الرحمن الرحيم
السلام عليكم ورحمة الله وبركاته
هذي قصيدة عن البر والربيع منقوله
لا اعرف لمن وياليت اللي يعرف راعيها يقوله
ياماحلا والنار يضـوي لهبها= في فيضــة فيها الحيا مابعد شـيف
في خـيمة منصوبة في خببها=ودلال صـفر ماشريته من الســيف
في مجلس فيه النشامى وأدبها=قصـــيد ينقونه ولاهوب تصفيف
وسـوالف رجال معادن ذهبها=مع قهوة تطرب هل الراس والكـيف
والجيب والعدة وباقي زهبهـا=وسـمان ماطـبت شبوك وتعليف
2007 والسست ماسحبها=شد البـلد نقـد ولاهوب تسليف
منوة هل البران غاية طلبها=مطــوع العسرات نقـرة مع السـيف
له شـهرة ياما عقول سلبها=( فكس آر) مايحتاج مـدح وتعريف
وذود شعاع الشمس عنا حجبها=جانـا حليبه دون خــلط وتغـليف
وشحنة سمر وإرطا من أرضه حطبها=النار عنوانه كروكي وتوصيف
وذبيحة للضـيف لاجـا سـحبها=ماحسب حسابه ولابه تحاسيف
وطـباخ له خــبرة قديم كسـبها=ماحاقه الهندي ولاسالم الشيف
هـذي مناتي لابطــايف ولا أبهـا=وأيضا ولالندن وباريس وجنيف
هذا علاج النفس ســـاعة عطـبها=مابي المدينة بين عادم وتكييف
وصلاة ربي عــد سـيل بشـعبها=وعداد مانبت الحيا وأزهر الريف
على النبي الهاشـمي من عـربها=اللي صدع من دون كذب وتزييف
وسلاااااااااامتكم وانتم سالمين