تسلمين حبيبتي نزف
وفيه احد يتلقى دعوه منك ومايلبيها؟؟
محد يعرف الابل ومايحبها هههههههههههه
والاااااااان
عوده الى المراحل <<<يقالي بشوقكم
المرحلة الثانية "
س1/هل تتبعين الموضه اثناء شرائك حتى وإن لم تناسب ذوقك أو الذوق العام ؟
الحمد لله البس اللي يناسبني ومو شرط تبع الموضه
س2/هل تحرصين على متابعة أخبارالموضة والأزياء والتجميل سواء عبر التلفاز أو المجلات أو المواقع الإلكترونية ؟
اذا جاء البرنامج صدفه وانا عند التلفزيون اشوفه اما اني احتريه لا
س3/ هل مسألة تنسيق ( الملابس، الحذاء ، الاكسسوارات ، الحقيبه ) من حيث اللون والطراز تهمك يشكل كبير ام لا تهتمي بذلك ؟
الا اكيد تهمني <<اجل ارقع هههه
س4/ما هي صفات المراه العربيه بنظرك؟
مافيه صفات معينه كل وحده تختلف عن الثانيه
س5/يتضجر آدم من مسألة شراء حواء لكل مناسبة زي جديد .. كيف تردين عليه ؟
المراه بطبيعتها تحب العنايه بمظهرها
اذا يقدر على مصاريفها اوكي بس اذا مايقدر
يحاول يتفاهم معها على مبلغ معين شهريا
ماتتعداه
س6/ عند الشراء تعتمدين على الديزاين مهما كان السعر ؟ ( يعني قطعة اعجبتك بس سعرها مبالغ فيه هل تاخذينها ؟ او تقولين ماتستاهل وتاخذين شي سعره أقل ؟)
والله اذا دخلت مزاجي الف السوق كله ما يعجبني غيرها
عشان كذا اخذها من اول ماتعجبني
وارتاح من الفرفره<<<تكره السوق
س7/أغلى قطعة ملبسية موجودة لديك . ماهي وكم سعرها ؟
فستان زواج خالتي 3000 لو اشوفه الحين بريال ماخذيته ههههه
س8/بماذا تنصحين حواء عند تبضعها ؟
بشراء مايناسبها وتاخذ معها احد تثق بذوقه
اذا ماعندها ذوق<<هههه جابت العيد
~ المرحلة الثالثة ~
س1/هل انتي مع أو ضد لبس العباية؟
اكيد مع هذا ستر مافيه كلام
س2/كم عباية تملكين ؟ وما انواعها ؟ بصراااحة
املك عبايتين راس واربع عبايات كتف
<<<على فكره الكتف البسها بالزواجات
اللي مايقربون لي والبس عليها راس بالشارع<<من اسالك ههههه
س3/ما رأيك بالبنات اللي يقولون " لو أهلنا أو الدولة يسمحون لنا كان ما لبسنا العباية"؟
هذولا مريضات والشيطان لاعب عليهن
العبايه نعمه لنا تصون المراه وتحفظها
س4/متى أول مرهـ لبستي فيهآ عبايهـ؟ وهل كنتِ مجبرهـ؟ وإلا برضاكـِ؟
لبست العبايه في اول ثانوي برضاي
مع ان ابوي ماكان وده اتغطى هههه عشان اخاويه بالبر
س5/كم تفضلين عمر البنت عشان تلبسها؟
الجيل هذا المفروض من عمرها 11 سنه
س6/ما رأيك بعبايات اليوم.. الفراشهـ .. الوطواط... الخفاش وما ادري أيش بعد ... الخ؟ هل تعتقدين أن هذه الانواع من العبايات ساترة ؟
مو ساتره ومحرمه بس اذا بتلبسها عند نساء اعتقد مافيها شيء<<<ترى ماافتي احد
س7/ إذا خرجتي من المنزل هل تلتزمين بالحجاب الشرعي ( العباية الواسعة ومغطية العيون ولابسة شراب وقفاز ) ولا لا ؟ بصراااحة ( طبعا طلعة عن طلعة تفرق )
بصراحه البس عباية راس بس بدون قفاز واذا بالسوق اغطي عيوني بس اذا بالبر ولا بمنتزه لا
س8/نصيحة توجهيها لحواء المتبرجة ؟
الله يهديك ويهدينا والدنيا عبر ماراح ناخذ منها شيء
المرحلة الرابعة "
س1/وجبتك المفضلة؟
المكرونه
س2/ حادث صار لك بالمطبخ لاسمح الله ؟
الحمد لله ولا مره
س3/طبق تحبين تسوينه كثير؟
المعكرونه
س4/متى تعلمتي الطبخ؟
قبل سنتين
س5/موقف طريف صار معاك في المطبخ ؟
لمى زينت القهوه وكنت سرحانه وجبت القهوه لابوي وانا ماحطيت هيل ارتفع ضغطه مني<<<الحين مايحب الا قهوتي
س6/ هل يعتمد عليك في إدارة المنزل بشكل عام عند غياب الأم ؟
ايه
س7/يعتمد عليك في الطبخ خاصة أو لا؟
لا لازم تساعدني الشغاله بالقياسات
س8/ اول كتاب طبخ او برنامج أو موقع اعتمدتي عليه في الطبخ ؟
ولا كتاب ولا موقع
س9/ تحبين أحد يساعدك في شغل المطبخ ؟ او تحبي تكوني لوحدك ؟
احب اسولف وانا اطبخ عشان مااسرح واخرب الطبخه
س10/ هل تتقنين جميع أشغال المنزل (نظافة غسيل طبخ )؟
ايه
س11/ نظامك في عمل المنزل ؟ (يعني الطبخ عليك والمواعين على غيرك ,أو يوم شغل المطبخ عليك وشغل البيت الثاني على غيرك .....؟ )ولا الله يخلي لكم الشغالة .
قلتيها الله يخلي الشغالات ههههههه
س12/هل تعتقدين أنك ستكوني ربة منزل ناجحة ؟
مدري
س13/ إتقان الفتاة لأعمال المنزل هل تعتقدين أن هذا شرط ضروري في نجاح الزواج او فشله ؟
ماله علاقه لان الحين مافيه بيت مافيه شغاله
الشرط المهم تفهم الزوجه
س14/ نصيحة تقدميها لبنات حواء بشأن هذا الموضوع ؟ (اللي بعضهن الظاهر ماتدل مكان المطبخ بالبيت )
لازم تتعلم لانها ماتدري عن مقبلات الليالي
تتعلم مع وجود الخدم عشان في حالة انها تغيرت حياتها لينها ماتتحسر
س15/ طبق تقدمينه لأعضاء منتديات الموازين ؟ ( ياحبذا لو يطرح في منتدى المطبخ ويوضع رابطه هنا )
من عيوني
http://www.almouazeen.com/showthread...354#post398354
المرحلة الخامسة "
س1/يقال ان السر الوحيد الذي تستطيع حواء حفظه وكتمانه هو " عمرها " هل المقولة صحيحة ؟
صحيحه بقوه هههههه
س2/ ماهي نظرتك للمرأة المطلقة ؟ وهل ترين انها مظلومة من المجتمع ؟
هذا قبل المطلقه مظلومه بس الحين المطلقه ماخذه حقها وزود
س3/لماذا تطالب حواء آدم دائماً بالعطف والحنان، فيما تبخل هي عليه بهما، بحجة أن حواء هي العاطفية بينما آدم هو صاحب القلب الجامد؟
هذا السؤال فيه حكم على جميع النساء بينما هناك فئه مثل ماذكرتي وهناك فئه تعطي من الحنان والعاطفه ولا تاخذ من ادم شيء وفئه تعطي وتطالب بالحنان
وفئه لا تعطي ولا تطالب
س4/برأيك لماذا آدم الشرقي لا يحبذ مساعدة حواء في الأعمال المنزلية ويعتبر ذلك انتقاصاً من رجولته ؟
موشرط ابوي كان يساعد امي لمى كانو بالغربه ومرت ابوي كان يساعدها لمى كانو يطلعون بالبر
الرجل اللي مايساعد زوجته اذا طلبت مساعدته مع احترامي هذا شاك برجولته
س5/ عندما يخطئ آدم يقولون ما أحمقه , وعندما تخطئ حواء يقولون ( ما أحمق النساء ) رأيك في هذا ؟
مدري والله اول مره اسمعها بس اتوقع
ان كل شخص مسؤل عن تصرفاته لوحده سواء رجل او امراه
س6/ أبي، أخي، عمي، ابني، زوجي ( للسيدات , والآنسات لاحقات خير ) ، جدي، أنتي .. رتبي التالي حسب أهميته لديك ؟
أبي
انا
اخي
جدي
عمي
اما ابني وزوجي الله يجيبهم ههههههه
س7/ يقال أن حواء تفكر بقلبها، بينما آدم يفكر بعقله، ماهو رأي حواء بهذه المقولة؟
مو دايم المرأه تتبع قلبها فيه امور تتبعها بعقلها
والرجل اغلب الوقت يستخدم عقله بس هناك امور ايضا يستخدم قلبه
س8/ رأيك وبصراحة في تعدد الزوجات ؟ وهل ترضين ان تكوني زوجة ثانية او ثالثة ؟
فيه حل لمشكلة العنوسه وفيه تكثير لامة محمد وللقبيله
ماادري عن الدنيا
س9/(آدم حنون ورومانسي- آدم وسيم- آدم جاد وصارم- آدم عملي- آدم ثري) أيهما تفضل حواء؟
ولا واحد افضل ادم اللي يحبني واحبه
س10/ الحياة بلا حب بلا وجع قلب احلى , صح ام خطاْ ؟ رأيك في هذا وبصراحة ؟
الحب جميل وخاصه اذا كان عذري بس تعب الفراق والشوق والمصاعب اللي تحيط به وجع للقلب وللنفس
س11/ الجمال في البنت أهم من الشهادة , هل ترين ان الجمال أصبح كل شيء لدى الشباب الذي يريد الزاوج في وقتنا الحالي ؟
ايه واحد من اخواني خيرناه بين بنت عمي جميله جدا ومامعها غير الثانوي وبنت عمي الثانيه حلوه بس مو زي الاولى ومعها شهاده جامعيه وبتكمل ماجستير اختار الاولى وتزوجو ومبسوطين هههه
س12/ الحب يموت ويذبل كما يذبل النبات . هل هذا صحيح ؟
لو كان الحب الصادق كان مامات
س13/ هل الخيانة طبع متأصل في آدم ؟
لا الخيانه من النفاق والنفاق من الشيطان
س14/ كلمة اخيرة توجهيها لآدم , حواء ؟
تمسكو بالدين والشكل عمره ماكان مقياس لا هو ولا القبيله
س15/ اختاري عضوة وقومي بإبلاغها على ملفها الشخصي ..
لؤلؤة الموازين