تمايل هاجسي وأهتز جذعه لين طاح القاف = تلقفه الورق وأمطر حروفه من سما فكري
يغذي كل قلبن حبل عرقه بالمشاعر جاف = وبالاحساس تصبح كل جدباء قاعها مذري
خصوبتها مشاعر صادقه تبحث عن الانصاف = ابا اكشفها وابين سدها المكتوم في صدري
وجدت المنبر اللي من خلاله طرف عيني شاف = عداله في موازينه تعبر عن ثقل شعري
هنا في موطن التاريخ والعزه لقوم اشراف = أنا لازم أقول الحق وأتكلم بما يجري
توافدنا على المسرح تلامعنا سيوف رهاف = شعرنا بالأخوه دمها بعروقنا يجري
سلامي للكويت وللسعوديه ميات الآف = سلامي بالوفاء لأهل الوفاء ممزوج به عطري
هو الدعم الحقيقي والسند للشرع والاعراف = ينابيع الثقافه والثراث الغالي المثري
حملت الود قاصدكم من ديار اليمن هتّاف = بصوت المرجله يشتاق راسي لانويت أسري
أطوع حظي العاثر أحط النون قبل الكاف = ومن قلي تصبّر قلت له عفواً نفذ صبري
على أكتافي حملت من الهموم أشكالها وأصناف = بعشر وعشر من عمري مضت وبخمس من صغري
أطالع للثريا والطموح يحدها بأطياف = واليا أتعذرت من دنياي حلمي ماقبل عذري
أنا أهوى المجد وصروحه ومن يهوى العلا ماخاف = فإما أعيش صانع مجد والا فأحفروا قبري
أنا وش لي ومن يؤمن بقول الكاهن العراف = أنا مؤمن برب البيت له حمدي وله شكري
ملكت الناس بأشعاري دخلت قلوبهم بإشغاف = خيالي حر وأزهى به أنا مالي وللوكري
ومن يطعن وراء ظهري جعلت طعونه المجداف = عبرت بها بحوره يوم هو عائم وسط بحري
جعلته مهزله من بعد ماقلبي لقربه عاف = وبين الناس خبره بان وأنا ماانكشف خبري
يجيني يعتذر وأقول وفر ذا الكلام اسراف = تعذر بعد مايمناك تطعن في وسط ظهري
عديم الأصل ماله في منصات القروم مضاف = ولو داحم طرق أصله على أكتافه يقل بدري
لأن المرجله ماهي بمهره تقبل العساف = دروب المرجله يحتاج سالكها ذكاء فطري
وأنا كفي على زمام الرجوله بالوفاء خطّاف = معاهدها رفيقه لي الى أن ينقضي عمري