1-بديت بسم الله عزيز الجلالي=رب النبي اللي (بطيبه) نزوره
2-المصطفى اللي فايز(ن) بالكمالي=اللي نصره الله وأعلى بدوره
3-ومن بعد ذا جتني حروف(ن) جزالي=قصيدة(ن) معنى وزادت بصوره
4-من صاحب(ن) غالي ومرسل لغالي=رجل الشكاله والكرم والمشوره
5-هذاك ابو مسلط كريم السبالي=رجل المراجل عاليات(ن) جسوره
6- ما يشبهه يا كود ذيب الهلالي=رجل المواقف والعلوم مخبوره
7-رجلٍ من الغلبا قحوم الرجالي=واللي مخالف زايد(ن) في غروره
8-رجالهم يشبه طوال الجبالي =ولا القمر يوم أكتمل في بدوره
9-جيراني اللي ذكرهم في العوالي=وعاداتهم بالطيب دوم معموره
10-ويا مرقب(ن) عديت راسه لحالي =الله ياقاني ويدفع شروره
11-عديت في راسه وصحت بعوالي=ياليت وقت فات يرجع سروره
12-ويا صدري اللي فيه مثل الملالي=الشوف الحسا وقلوب فيها طهوره
13-يالله ياللي عالم ما جرالي=ياربنا اللي مهتدين(ن) بنوره
14-والعبد لو هو من شجيع العيالي=لا بد مايلحقه شيٍ يجوره