قصيدة الشاعر عبدالله فهد السهلي الحاصل على المركز الثالث , وهي قصيدة غزلية رائعة حافلة بالصور ومتماسكة المعنى , وأجزم أنها استحقت مركز أفضل من الثالث , ولكن قد تكون وجهة نظر اللجنة بسبب قصر البحر الذي بدع عليه الشاعر قصيدته , ولكن من يملك مثل ابداع السهلي يستطيع قول الكثير , والبحر ماهو الا قالب يحتوي اللغة والمعنى الشعري والأهم هو كيف صاغ الشاعر قصيدته وبأي لغة شعرية ومدى تماسك وترابط فكرته .
خليتني بين رجوى الوصل والصده = وتركت نارك على الخفّاق وقّاده
ارجي لعل وعسى شوفك بعد مده = ويموت بالعذل من هو يقدح زناده
قلبي من اسباب بعدك جرهدي خده = لا الأرض أرضه ولا بلاده هي بلاده
اطلال حبك صويب الخافق تشده = كم ليلة ( ن ) سرّته من حلو مرقاده
جسر الغلا ابنيه وأنت أشوفك تهده = وأثبت أوتاد وأنت تكسّر أوتاده
ياموج بحر الغرام وجزره ومده = ياللي لك الروح ماموره ومنقاده
ارفق على القلب دامك ماخذن وده = وأستر على الجرح ليلة عيد ميلاده
شفني من العام صبري واصلن حده = والعين عن ماجري بالحال نشّاده
أجحد وأجامل لو أن البعد لابده = وآكفي اللي على التوديع معتاده
كن المفارق يسل السيف ويحده = قطعت حبال الرجا هي غاية مراده
مادري سحابك اليا ارزم وش هو يرده = وأنا غدير الغلا محتاج ميراده
يالبارق اللي عيوني دايم تلده = ماطره عني بعيد وصوت رعاده
إما تجيني نمد الوصل ونشده = ونعتق يدين الوفا من كربة اصفاده
والا اعتبرني بأشد الشده الشده = واترك طريق الهوى واكسّر شداده