هذا مقطع لقصيدة رائعة للشاعر متعب مبارك القليهي العنزي قبل مشاركته في مسابقة شاعر العرب وجدتها في اليوتوب .


ومثل هذا الشاعر يستحق الكثير من التوقف .





تسري النوايا وحقرين الظنون يهبون = مدت يمين المسلم للسلام يهقاه

ماتخسر الا الجمايل بالردي والعفون = لكن لولا الردا ما للجمايل حلاه

لو كنت يالطيب تنبت ورد بين الدقون = كم لحيةٍ ماتزينها ورود السراه

وكم شاربٍ يفتله من يفتله ومحسون = في ساعةٍ تعرق الخدين قبل الجباه

أواه ياأنصع نوايا بيض وأطهر طعون = اضمها كل ماأخضع في ركوع الصلاه

وأكنها اشعار وأغني عليها اللحون = مازال صدري طفل مايحمل الا البراه

وأنا رجل جرب الدنيا وعاش مغبون = لو كان مابي على بعض السوالف جراه

بيني وبين الزهور وبين خضر الغصون = كلام لكن اليا حل الخريف ومحاه


ذبلت مثل الغصون الين تنشى المزون = وارسل لها الشرقي انفاس الرضا من رضاه


وساقت وسقّت وسقت الرجل وأنا محزون = رجّع خضار الغصون وماعطاني خذاه

على رجاء الله خماصك يالطيور يغدون = مثلي ومايفرغ القلب النقي من رجاه


ومايحمل الا الورود وماحسن من ظنون = وماهرّج الا السحاب اليا تعلى سماه


يامكرم العبد بالصحه وشوف العيون = عبدك وقف بين يدّينك وتعرف عناه


ياحق من يمدحون وخير من يطلبون = خزاينه ماينقّصها العطا لاعطاه


جيتك وأنا منكسر والصدر كله طعون = ماأعددت لك غير توحيدك وفرض الصلاه






لايحتاج للتعليق فهذه القصيدة غنية عن كل تعليق , وهي ليست من البرنامج لكن توضيح عن قوة الشاعر متعب العنزي وأنه متميز ويستحق الكثير من الاحترام شعرياً .





وهذا رابط لكامل القصيدة التي اطلعت عليها للتو فقط :