المشاركة الأصلية كتبت بواسطة ساكب الحرف

اختي روحي سبيع
يمكن هذي ثاني او ثالث مره تقولي وش رايكم انا ضد هالشي
اولا انتي زينتي بيتين وماكملتيهم وهاذي ماهي قصيده عشان
تطلبين نقدها ممكن نقول عنها خاطره هذا شي


الشي الثاني
البيت الاول فيه خلل بقولك شي اختي انتي بديتي بقصيده لاتجيبين
كلمه اوقافيه صعبه عشان تبدين بدايه صح رتبي اللي بتقولينه وبعدين
اذا ماجت معك في القافيه دوري وخلي عندك بداخلك نقد للي تقولينه
ثم شاوري من تثقين فيه
اختي اي شاعر او شاعره ماتعجبهم قصيدتهم عند الظهور لانهم يدعون
الحكم فيها للناس زي ماقال الشاعر الكبير ابن جدلان
اجمع سمان الهرج خوف من التقصير -- وان جيت ابشرحله كلامي تهازلته

جينا للبيت الثاني
بيت قمه ورائع جدا اعجبني كثيرا الصوره التي يحملها هذا البيت هنا
تكون روحي سبيع شفتي ان البيت قوي ارجعي للبيت الاول وغيريه
لانه غير مناسب وهذا يسمى غربلة القصيده يعني شفتي ان الابيات
غير متناسقه عيدي الصياغه من اول وجديد وصدقيني راح تكوني اكثر
قوه في بناء القصيده في الايام المقبله
اما سالفة وش رايكم والتخوف الزايد هذي غير مقبوله والله لو كانت
قصيدتك قويه جدا راح يكون هناك نقد لها ماراح ترضي الناس انتي
اطرحي القصيده بثقه فالشخصيه الواثقه جزء من جودة القصيده
هذا اللي حبيت اقوله وارجو ان تتقبليه بصدر رحب
دمتي بخير