( تابع ) تغطية الحلقة الخامسة
قصيدة رائعة جداً من الشاعر الذي اثبت أنه من طينة الشعراء الكبار بدون اي مبالغة , دخل لمعناه بروح الحنين والوقوف على الأطلال بزيارته لمجلس كان عامر بالرجال والضيوف وكان صاحبه يحييه بطيبه وكرمه , ثم أصبح مكان موحش مهجور , وصاحبه يعاني المرض الذي أقعده فلاهو حي يرجى ولاميت تطلب له الجنة , ورغم ذلك كانت روحه الحيه شامخة لم تخضع لمرض أو توهن عزيمتها , وكان صاحبها مؤمن بقضاء رب العالمين ومسلمٍ بما كتبه الله , ويستعرض الشاعر بصورة رائعة ومؤثرة جداً عن حكم يجب أن تعرف في هذا المقام فكم شخص أدعى بالطيب وهو لايملك منه شئ الا لمجرد ماله الذي يمن به دوماً , فالطيب سجية وفطرة تولد مع الشخص ويرثها من أهله , وليس تطبّع أو تصنّع , كذلك الختام الرائع لهذه القصيدة المؤثرة والتي حاكها الشاعر متعب العنزي بإبداع .
نجي للأماكن شوق ياسعي ياالمشكور = غرامٍ قديم وكل يومٍ على جدّه
وأنا كل ماسقت القدم مع رأي وشور= عرض لي بدربي من علي بالرضاء سدّه
ورجعت أتذكر شئ وأثر الصدور قبور = أبا اموت صدرٍ يكتم الغيض ماأحدّه
هنا كلمتي تاقف من الزور للحنجور = وتشره علي بالعين بالدمع وأردّه
هنا كل مامريت يالمجلس المهجور = تقول الشباري تطعن الصدر وتقدّه
ولو كل من سمي محمد بوجه نور = محمد محمد من شبيهه ومن ندّه
عليه الصلاه وسّود الله وجيه الزور = تكبّر رجالٍ لا لسانه ولا يدّه
ولو كان لإسم الشخص بين الحضور حضور = ياكم واحداً يحمل له اسمٍ ماهو قدّه
يسمى نخل كله وفرق النخل والصور = يعرفه رجل من كثر ماأسقى وما جدّه
لو إن الليال السود ليا اقبل رحاها تدور = تحاشى قبال الطيب مابيحت سده
مافحيت حسره وأنسكب دمعي المنثور = على غانمٍ متوارث الطيب من جدّه
لو هو ميت مانرجي له الا وجوه الحور = ولكن حي وكل شئٍ وقف ضدّه
على جرح صدره عايش النحل والدبور = تطوله يديه ولاتضايق ولا صدّه
علشان مر الصبر والخاطر المكسور = تضايق شعيل وحمل بلهان ماهدّه
ورجاء حبه اللي تحت سحب المطر مبذور = لو الأرض ماتسوى بذاره ولا كدّه
علشان خاطر عين تكرم عيونٍ عور = تقدر لها الشوفات باللين والشدّه
لو الطيب بين الناس مايكسبه مغرور = ماشفت الضعيف يرجّع الكف لا مدّه
ولو الموت فيه علاج ياحضرة الدكتور = على الأرض مالك مجلسٍ ياسع القده
ولو مات لي حصان ماعاضني به ثور = مايزهاه سرج ولامسامه ولا أشدّه
لأن الكسور أنواع ياكسر يالمجبور = لو أن البنادم مايبيها ولا ودّه
تهون المصايب كل ماشفت لي مقهور = وتهون الجروح اللي تجنب عن الخدّه
وعساني على سعيي وحث القدم مأجور = ويهباي ياقلوبٍ من الحقد مسودّه