ابوهاجوس
ياهلا يامرحبا واعداد وبـال المخيلـه=وعد ماتبد النجوم اللي تلامع في سماها
صاحبي منصور ماجانا قبل حنا نجيله=جعل هقوتنا ماهو من دونها دايم وراها
منصور الدرين
البقا يابو الهواجيس المثيرات الجزيلـة=عدّ مانفرح بالآجواد المطاليـق ونباهـا
المهم إن الشجاع اللي على ظهر الآصيلة=كل ديرة مرها لابد ياكل من عشاهـا
ابو هاجوس
الدروب اللي تودي مايضيعها الدليله=اتجاه الارض يعرفها ليا منه مشاهـا
وانت ياراع الاصيله مالقينا لك وسيله=انتبه لاتحطك اذئاب الدير وجبة غداها
منصور الدرين
مايضيع إنسان معه البوصلـه ..والله وكيلـه=العقول البوصله .. ترفع عن الجاهل غطاها
الصقور الشقـر يـاراع العلـوم المستحيلـه=ماتصاد وتعطي من الصيد يوم الله عطاهـا
ابو هاجوس
المسافر يالضباطي لاضمى ينظر صميلـه=واكثر الصملان مع شقانها يضيـع ماهـا
والصقور اتخاف واعقاب السما مافيه حيله=العقاب يصيدهـا صيـاد لاحـول علاهـا
منصور الدرين
البعير شعيل حملـه .. كـان مايقـدر يشيلـه=شرهته شرهه على الحمله ومن حمل علاها
كان مخلاب الصقر ماسـرّ رح .. دوّر بديلـه=يالعقاب اللي على بيره .. ومن ماها ملاها
ابو هاجوس
الضباطي قل مجهوده وباين لي حصيله=اللتوى له مع دروبن قشر ورقبته لواها
الطيور البرق من يقنص بها واعزتيله=واخسرت من يربيها ومن ربى نماهـا
منصور الدرين
حلم حقّقته كبير .. وسهل أحقّق لـك قليلـه=والضباطي مغتني . لو تبسط العالم يداها
لو تقول البحر سيل.. أصل البحر جرّاف سيله=تغرق العربان فيـه ولاتحقّـق مبتغاهـا
ابو هاجوس
انت ابو هاجوس مازدته ولا نقصت كيله=واكثر العربان نعرفها ونعرف مستواهـا
يابعير عقيل زاد ارغاك والطرقه طويله=لاربحتي ياجمالن كسر الطرقي عصاهـا
مع الشكر الجزيل للشاعرين
.