قالو حبيبك يسمع الشعر قلت إيـه = يقراه بعيوني قبل تسمـــعونه
ولولاه حتى طاري الشعر مـــــابيه = مير اكتبه من شان خاطر عيونه
هو روح شعري وامنياته ومـــاضيه = جذع الشجر وش كان لولا اغصونه
اكتب لغيره والقصايد تجي فـــيه = كن القصايد حالفه ماتخـــونه
هذاك لامنه زعل قمت اهــــــاديه = حتى وهو مخطي تعــــذرت دونه
يمكن لوانه يلمس الجرح بيـــديه = يستغرب ان اللي لمسها طعـونه
ابطى وهو غايب وزلت حـــــراويه = وأنا من العام اتحرى مــزونه
هو مادرى اني في غيابه محــاتيه = ليته نشد عن حالي اللي يجونه
واقلبي اللي توه افلت عــــراويه = كيف انسرق وضلوع صدري حصـونه
عجزت ارده كن ماني بــــــراعيه=يوم انتثر شوقه وهاضت اشجونه
يبسن عروقه لكن اللي يعـــــزيه = ان اكثر العالم تردد لحــونه
خافوا من الله لاتجيبون طـــاريه = لاصرت انا موجود لاتذكــــرونه
لو كل غالي جابه الله لغـــاليه = ماشفت لك مخلوق تبكي عيــونه