((دنيـاً تقلـب كنـهـا روجحـانـه تضحك وهي تبرم لهلهـا بالأبـرام.

يا ناس خـل القلـب يبتـل بشانـه خلوه لـو باقـي مصيـره للعـدام.

العمـر لأسبـاب المنايـا رهـانـه والعبد مكتوبٍ لـه أجلـه بالأقـلام.

وخطو الفتى مالـه بالأمجـاد خانـه ولا هو ليا جا موسم الضيق عـزام

ناشن على ساس الـردى والجبانـه ويقصر عن الطولات عامٍ بعد عـام.

مافيه دين ولا حصـل فيـه أمانـه ولا هو شجاعٍ ينبدي بـه للخصـام.

وخطو الفتى حـرن يـزود عليانـه حرٍ نهار الضيـق يدعـى بغشـام.

وتاجٍ علـى الهامـات فخـرٍ بيانـه لبسه يفاخر به على الخاص والعام.

والقلـب ممـا بـه يـزود رجفانـه من هاجسٍ بين المعاليـق وأوهـام.

فيما مضـى بينـي وبينـه ضمانـه واليوم صار اللي مضى مثل الأحلام.

عسـاه عنـد الله بواسـع جنـانـه في جنة الفردوس مع جمع الأسلام.

حقه علي أدعـي بصـدق وتكانـه وباق المعاني مالها عنـدي أحكـام. ))


ابيات اثرت فيني جداا0000وانا أقول ليش أبن مصاول كذااا كاتب رائع واكرر00تقف

المنتديات جميعها تصفق لك؟؟(أتاريه شبل من ذاك الاسد))

شكراا على القصيده الرائعه وننتظر المزيد انشاء الله0000