السلام عليكم ورحمة الله وبركاته
البارح حلمت اني كنت صاحيه من النوم واللاب توب مفتوح والمفروض ابويه يكون جالس عنده بعدين لفيت لاختي قلت لها فين ابويه قالت راح يدور لبقرتنا السودا مدري فين راحت قلت لها ياويلي راح يدور عليها في هالبرد وفتحت شباك غرفتنا ولقيت حبل مشنقه معلق في النص ولقيت حبل اصفر بلاستيك ملفوف على شكل بيضاوي بس متعرج وكانه البقره كانت مربوطه فيه بس مدري فين راحت وبعدين سمعت صوت واحد من عيال عمتي قلت لاختي اش جابه قالت بيساعد ابويه عشان يغرقون البقره والي فهمته من كلمة يغرقون انها حركه او تقليد يسونونه من زمان بعدين جاء ابويه وقال اطلعوا من الغرفه عشان ولد عمتكم يدخل واحنا تضايقنا مانبغاه يدخل عشان الغرفه مره مكركبه ومارتبنها ولا طبقنا فرش نومنا وتضايقنا كمان من البويه انها موتمام وطلعنا وبعدين في نفس غرفتنا كنا جالسين مع ابويه وامي وامي جالسه على كرسي وابويه معانا جالس على الارض وهو قاعد يناقشنا عن سبب زعلنا وردت امي انت شايف هذي الغرفه ينفع يدخل احد فيها قال ابويه ليش اش فيها قالت امي انت شايف جبسها طايح والا الفراش قطع . وبعدين كان ولد عمتي الثاني لابس برجاده (فروه) ويمشي مع ولد اختي الصغير ويسولف معاه في الصاله الي قدام غرفتنا وانا كنت رايحه لغرفتنا الثانيه وولد عمتي كان يطالع فيني خلسه قمت قلت لاختي وابويه الي جالس يشتغل على اللاب توب يالطيف مااطول عينه اقصد ولد عمتي قمت قلت له من عند الباب لو سمحت ابغى اروح الغرفه الثانيه الي جنب غرفتنا ممكن ابغاه يروح من قدام الباب وراح وبعدين ومريت ورحت غرفتنا الثانيه ودخلت غرفة الملابس ولقيت اخويه الكبير وكان شعره محلوق على الصفر بس الربع الي قدام (مقدمة راسه) فيها شعر بس كان غريب كل مجموعه من الشعر مع بعض بعدين فراغ بعدين مجموعه ثانيه ومن عند جهة اذانيه كان الشعر اطول من الي في مقدمة راسه وشاربه كان خط نحيف مقوس كانه مرسوم قمت قلت له اهلا وذكرت اسم مكسيكي (انطونيو) عندنا لان شاربه كانه مكسيكي قام ابتسم لي وكان ينزل ملابس من شنط سفر لونها يااسود يااخضر بس الارجح لونها اخضر وكانه ناوي يسكن عندنا وقلي تعالي ساعديني وبعدين سمعت صوت عند الشباك لما فتحت لقيت 3 اطفال بنتين وولد بعمر 11 او 12 سنه والجو مافي شمس وكانو كانهم نازلين من السماء او لهم اجنحه قالتي وحده فيهم الحقي خطفوا ابرار قلتلها من جد قامو ضحكوا وقالت لا نمزح معاك قلت لهم الله يصلحكم فجعتوني بغيت اطلعلهم بدون عبايه اقصد على الي خطفوا ابرار بس انا لااعرف منهم ولااعرف ابرار.. وبعدين قلت لهم روحو العبو لاني برجع اساعد اخويه وراحو وكانهم طاروا جهه بعيده..انتهى