اخواني مشرفين اعضاء منتديات الموازين السلام عليكم وعدناكم بأننا سوف نوافيكم بنقل قصائد لشاعر فارس بن مقحم الميزاني وقد بحثنا عن الشاعر عدة مرات وقد وجدناه وزودنا بعدت قصايد سوف ننقل لكم واحده منها وهي بعنوان.
( مطيري من مطير )
يقولـــــــه من بدى حيداً طويل ولدير باني
تبين لـــــــــــدير والقلب فيه احزان مخزونه
تهيض يوم شاف الذيب بان او بان توباني
جـــــــــــــبالً لسمها تاريخ والعالم يعرفونه
تذكرت الرجال الي لهم فادار مسكاني
بــــــــعدهم مانعد الدار منزوله او مسكونه
ماقوله طقتاً في ربعتي ذرفين الايماني
ابيوت الـــــــعز فوق العز مبنيه او مصيونه
لكن القلب ذكرني بني عمي او عماني
وبوي الي يعش الظيف والايام مشحونه
عساه بمنزلة مرحوم ياجساس وجناني
يحط بجنة الــــــــــفردوس واخوانه يزورونه
هذا الي هاض بالي يوم غنا زين اللحاني
طرولـــــي ربعتي ماهو بطاري كل مزيونه
واناربعي تعز الجار ريف الظيف والعاني
ولــــــن بان الحريب ايجمدون الدم بعيونه
سكنا دارنا يومــــــــاً مــابه حكم واماني
وحميناها علـــى قحص المهار بكل مامونه
سفر جداً لنا معروف وبن الــجد ميزاني
مـــسلس فالجدود الي وراه اوشي مندونه
سلاله من سواعد من سلالة جدنا الثاني
سواعد ولد عون او عون من عباد وغصونه
لنا في ساس حمران النواظر ساس وخواني
مطيري من مطير الي تشيل الراس بمتونه
تجاذبنا الـــــــجدود الي مسلسلة بعدناني
نسبنا فالخليل الـــــــي بناء ذا البيت وركونه
كلام الصدق ماني في كلام الصدق غلطاني
اقــــــــوله وهل التاريخ قدامي يقولونه
يقولـــه شاعراً له في مجال الشعر عنواني
نظام الـــــــشعر عنده عارفً فنه او قانونه
وخــتمها بذكر الله عــدد همال الامزاني
علـــــى صفوة قريش الي عباد الله يعزونه
وتقبلوا تحياتي الراســـــــــــــــــــــــــــــي،