بسم الله الرحمن الرحيم
السلام عليكم ورحمة الله وبركاته

احييكم اعضاء منتدى الموازين.....واشكركم على جهودكم في هذا المنتدى الشامخ
لعتاب بعض احبتي الي ...في طلب قصائدي
سانزل لكم بعض منها ....فارجو ان تنال على استحسانكم

وهاذي اول قصائدي اهديها اليكــــــم:
VX-R

يـــاراكــب اللــــي تــوّ ورّد مظلّــه=ابيض بلونه كاملن بالتــواصيف
من شركته مضمون وسط السجلّه=مسجلن بالكرت كل التصــانيف
رقمــه ورمـزه ناسـقن مـع مُــدِلـــه=لااقفى تقول مصغرن فيه ونحيف
وليا نــطحــك مبــيـنن عـاتقن لــه=واليا اعترض ثوبن على الجسم تكييف
متـفـهق الاطــراف فأعـلى الـمطّله=قصير ساق ٍ والمقادم مناكيف
فـــكســار حظ اللي شراه وحصّله=لو ان مابالجيب بعض المصاريف
مكـــيفــين ومـــركـــبه مـــاتملــــه=غرفة عروس جوّها بارد الصيف
ابيـــض يشــادي مزنـــتن مسـتهله=ينزل بردها في علوّ المشاعيف
لادق سـلـفه والبواجي صـفن لـه=قام يتهّصر حدر كفّ الحراريف
هو منوة اللي حس بالصــدر عله=شاف الزمان اللي هبوبه عواصيف
اخذ تجــاريب الزمـــان وفطنــله=وشاف اختلافه بين عمّان وطريف
هذا وكلن فـــكـر راســــه يـــــدله=عرفي وغيري ناقدين وعواريف