مطلق دعيج
سلام الله بردية وعيدية ومسك وعود ..
.......... طلوع سهيل مرة فالسنة لو زل ميعاده
أنا ما أدري من الغايب ؟ وأنا مدري من الموجود ؟ ..
.......... ليا صدر بها هامور يلقى العلم ميراده
هامورمطيري
هلا يامرحبا ترحيب ماهو بالعدد مجرود//على شانك ولد ميزان ناره قبسة زناده
ليا صار لك غايه فالحياه وصار لك منشود//تحصل صاحبك هامور معك بكامل عتاده
مطلق دعيج
يدوم بك البقى والعلم ياحاوي ويامردود ...
........................ متى يطلع شهر شوال لين يجمد جماده ؟
ثلاث سنين تسجد للولي والمسلمين سجود ...
....................... لكنك في نهار العيد ماحصلت سجادة
هامورمطيري
انا ماني بحاوي غير عز وطيب والمقصود//مابا مطلق يموت من الضما قدام براده
ثلاث اسنين اصحيكم واقول الميتين رقود//يالين الدود اكلكم كلكم والروح منقاده
مطلق دعيج
وردنا العد وأسقينا الظعن وأنته دفنت عدود ...
............................ تجاهلها جهل مدري زرى ؟ لين أصبحت عادة
ليا متنا تمر قبورنا وتقول يامفقود ...
........................... لكن أنتة لو إنك نمت نوم الظالم عبادة
هامورمطيري
وردت العد يوم اني معك بالملح والبارود=وهالحينه نبا مطلق يمتعنا بحساده
تراك ان مت مايبكي عليك الا نحيل العود=ماهو من شان شي الا عشان الزاد وقلاده
مطلق دعيج
ماني حاسد وياربي لك الحمد ولـ ني محسود ...
......................... وهامور الله يبيحه على إسمه يطمع زيادة
أشوفه كل ماهبت على رأسه هبوب النود ...
........................ رمى الغترة نسى ميراث بن عمه من أجداده